محمد عبد الرحمن السر
New member
( أعطف عليْ يا ريم )
الشاعر : صالح عبد السيد ( أبو صلاح )
أعطف علي يا ريم يا نافر الغزلان
خصرك رقيق وعلى قلبك حجر ما لان
======
أحسب دقائق الليل أنا والنجم زُملان
تابع هواك ومجافي الأهل والخلان
======
يا العالي صدرك ومالبو ضميرك الهَزلان
لو عيني تنظر خَدَّك ومُتَّ ما زعلان
======
أنا يا جميل أهواك فعلاً وقول لسان
بالنغمة تسكرني وبالنظرة واللمسان
======
فادع رجَحْ خصرك وسيف لحاظك سان
وأنا يا مدلّل قصدي من الحُسُن إحسان
======
يا اكحل العينين يا ناير الاوجان
لحظك يشيل ويريع قلب الانس والجان
======
شفنا البدور تسرق من بسمتك سرقان
ما بين بياض الدر وخضرة المرجان
======
يا آيةَ الحُسْنِ وريحانة السودان
وغاية محاسن الجيل في كافة البلدان
===
ساكن بشاطي النيل وبداخل الابدان
في حارة فيها محاسن جنّة الولدان
***
