umabdulrahman
Moderator
كتب أحمد محسن-مصري وهو" blogger" وله متابعين
دونالد ترامب :
***
ده واحد أهطل عنده 70 سنة ، ما بيحبش المسلمين مرشح نفسه لرئاسة أمريكا وحظه بومب إنه ممكن ياخدها عشان اللي قدامه مش بنفس صيته المسمع وإقناعه لأكتر من 50 % من البلهاء في أمريكا.
*
إيه قصته ؟.
*هو ملياردير أمريكي كبير وارث من أبوه مجموعة ترامب العقارية الضخمة ، ودي عندها فنادق ومجمعات سياحية وكازينوهات في أحسن حتت في أمريكا وشوية دول براها ، وصافي ثروته 5 مليار دولار .. بقف أعمال ناجح جدا .. وإما مر بأزمتين ماليتين في التسعينات والالفينات عرف يخرج منهم زي الشعرة من العجين .
*
معروف ومشهور بتصريحاته الجاهلة الجهولة واللي مش مبنية لا على علم ولا على منطق .. بس عنده ثقة عكاشيييية كبيرة في اللي بيقولوا
.. وهو وجه اعلامي معروف للفضائيات والصحافة .. وكمان عمل برنامج اسمه ( المتدرب أو المبتديء ) وكان بيطلع يقول فيه أي هلفطة ، لكنه نجح .. وكمان اتعرض على فضائيات الدنيا من ضمنها ( ام بي سي 4 ) .***
ده واحد أهطل عنده 70 سنة ، ما بيحبش المسلمين مرشح نفسه لرئاسة أمريكا وحظه بومب إنه ممكن ياخدها عشان اللي قدامه مش بنفس صيته المسمع وإقناعه لأكتر من 50 % من البلهاء في أمريكا.
*
إيه قصته ؟.
*هو ملياردير أمريكي كبير وارث من أبوه مجموعة ترامب العقارية الضخمة ، ودي عندها فنادق ومجمعات سياحية وكازينوهات في أحسن حتت في أمريكا وشوية دول براها ، وصافي ثروته 5 مليار دولار .. بقف أعمال ناجح جدا .. وإما مر بأزمتين ماليتين في التسعينات والالفينات عرف يخرج منهم زي الشعرة من العجين .
*
معروف ومشهور بتصريحاته الجاهلة الجهولة واللي مش مبنية لا على علم ولا على منطق .. بس عنده ثقة عكاشيييية كبيرة في اللي بيقولوا
*
طب ليه معمول عليه حوار ؟
الراجل ده من ساعة ما اترشح للرئاسة وهو عمال يحدف قنابل يمين وشمال كره فيه طوب الارض .. لكن للأسف خد شعبية من فئة واسعة من الجهلاء وذوي التعليم المتواضع في أمريكا ، واستطلاعات الرأي بتظهر انه من ضمن أقوى خمس مرشحين في أمريكا حاليا لمنصب الرئاسة وهم كالتالي :
هيلاري كلينتون ( وزيرة الخارجية اللي فاتت ومرات كلينتون بتاع مونيكا )
بن كارسون ( طبيب أعصاب )
ماركو روبيه ( سيناتور جمهوري )
تيد كروز ( سيناتور جمهوري )
أما ابن بوش الأب واخو بوش الابن اللي اسمه ( جيب بوش ) كل الاستفتاءات اللي اتعملت طلعته فستك !
*
قال إيه بقى ترامب ده زعل منه الناس .. خدو عندكم :
- عايز يمنع المسلمين من دخول أمريكا بشكل نوهائي وفوري .
- عايز يعمل نظام مراقبة على المساجد ويعمل قايمة باسماء الناس الداخلة والطالعة ( مش جديدة .. سبقناك ) .
- اتهم العرب في امريكا انهم ورا هجمات 11 سبتمبر ، وقال ان اللي ما شاركش فيهم إحتفل بموت الامريكان في الحادث !
- عايز اي مسلم يتمسك مشكوك بانتماءه لداعش او للقاعدة انه يتعذب بالغرق ( يحطوه في برميل المية لحد مانفسه يروح ويطلعوه لحد مايقر ويعترف ) .
- عايز يرحل 11 مليون مهاجر بيقول عليهم انهم غير شرعيين وطبعا على راس القايمة عرب ومسلمين .
- عايز يلغي أو يخفف من اجراءات ترخيص الاسلحة على الامريكان ، فمش بعيد تلاقي عيل دخل على مجموعة ناس في بيتهم وصفاهم عشان مزاجه كده .. وطبعا مع نبرته للكراهية ضد العرب والمسلمين فمعروف مين هيتصفى .
- عنده نزعة كراهية ضد السود في امريكا وكمان المعاقين ، فاتهم الضباط السود انهم وحشيين وبيقتلوا الناس .. وقلد صحفي معاق بطريقة معفنة قدام الكاميرات .
- مؤيد جدا لقمع الشعوب العربية والاسلامية بحكام أشداء زي القذافي وصدام حسين .
- عايز يمنع أي هجرة لأي سوري طالب لجوء لأمريكا ، وكمان يمشي الموجود عشان بيقول عليهم ارهابيين واتهمهم باللي حصل في هجمات باريس .
- الأمير الوليد ابن طلال شتمة على تويتر وقال له انت عار على أمريكا وانسحب احسن لك ، فرد عليه ترامب وقال له انه لو مسك مش هيخليه يشتري السياسيين الامريكان بفلوسه بعد كده ومش هايخلي للي زيه شأن.
- طالب السعودية بدفع إتاوه لأمريكا عشان حمايتها من زوال ملكها .. والشعب السعودي على تويتر اداله اللي فيه القسمة والنصيب .
- أوباما إما شكر في الابطال المسلمين في امريكا زي محمد علي كلاي .. فرد ترامب وقال أنا مش شايف أيوتها أبطال .
- رئيس وزراء بريطانيا قال ان بريطانيا هتبقى ضده لو مسك الحكم لو منع المسلمين من دخول امريكا .. وإما لمح ترامب انه عايز يزور بريطانيا .. فطلعوا 150 الف بريطاني وقعوا عريضة تطلب منع دخوله .
- مؤسس الفيس بوك ( مارك زوكربيرج ) كتب رسالة طويلة قال فيها ان مرحب بإخوانا المسلمين في كل وقت وهندافع عنهم ضد اي حد .
- شركات كبيرة في دبي منعت التعامل مع علامة ترامب التجارية لتصريحاته دي .
*
أخيرا :
والله العالم اتهبل .. والفئة اللي بقت بتعجب الناس في الحكم والسلطة أغلبها بقوا معاتيه .. وربنا يرحمنا الايام الجاية !
التعديل الأخير:
