قصائد خالدة

[عفراء عبد الحميد]

يا صاحي قبل الطير
والدنيا شتوية
واهب العمر للغير
يومية .. يومية
يومية شان ام زين
احلامها ما تنداس
ما تنحرق بالشوق
ما تبقى منسية
شان يمشي مدرستو
زي كل ولاد الناس
مرفوع وعالي الراس
اسمو وغنا ونضموا
اسمك ثلاثية
الكول شبر في الايد
في كتفوا طورية
اولى انت بي بلدك ولا الحرامية

 

[عفراء عبد الحميد]

حنبنيهو البنحلم بيهو يوماتي

وطن شامِخ

وطن عاتي

وطن خَيِّر ديموقراطي...



وطن مالِك زِمام أمرو

متوهِج لهب جمرو

وطن غالي نجومو تلالي في العالي

إرادة سيادة حُريّة

مكان الفرد تتقدّم قِيادتنا الجماعية

مكان السِجنِ مُستشفى

مكان المنفى كُليّة

مكان الأسرى ورديّة

مكان الحسرة أغنية

مكان الطلقة عُصفورة, تحلق حول نافورة,

و تمازِح شُفع الروضة...



وطن للسلمِ أجنحتو

ضِدّ الحربِ أسلحتو

عدّد ما فوقو و ما تِحتو,

مدد للأرضو مُحتلّة

و سند للإيدو ملويّة

وطن حدادي مدادي

ما بنبنيهو فرّادي

و لا بالضجّة في الرادي

و لا الخُطب الحماسيّة...



وطن بالفيهو نتساوى

نحلم

نقرأ

نتداوى

مساكن,

كهرباء,

و موية

تحتنا الظُلمة تتهاوى

و تطلع شمسو مقهورة

بخطّ الشعبِ ممهورة

تخلي الدُنيا مبهورة

إرادة وُحدة شعبية...

 

[عفراء عبد الحميد]

مليون سلام
يا شعبنا ومليون حباب
والاغتراب
يا ابونا ما طول الغياب
الاغتراب فال البخونك ويزدريك
ونحن بين سنكيهو والزنزانة
والسجن السميك
منك قُراب
أحرار وحريتنا في إيمانّا بيك
ثوار بنفتح للشمس في ليلنا باب
لي يوم جديد
وبنفتديك
وحنفتديك
ما بنرمى إسمك في التراب
وعيونا تتوجه اليك
إنت المعلم والكتاب
*
أبداً جُذورك فينا تمتدَّ وتجيك
والبزدريك
ياويلو من زحفك عليهو
ومن مشيك
يا ويلو من أجَلو الوشيك
يوم ينكسر قيد الحديد
والسنكي والزنزانة والسجن السميك
وخطى الشهيد
من حولو تهدر والنشيد
وإنت الشمس من بين إيديك
تطلع عليك من كل باب
مليون سلام يا شعبنا ومليون حباب

 

[عفراء عبد الحميد]

مساجينك
مساجينك
مساجينك
نغّرد في زنازينك
عصافيرًا مجرحّة بي سكاكينك
نغني ونحنا في أسرك
وترجف وانت في قصرك
سماواتك دخاخينك

برغمك نحن ما زلنا
بنكبر بي سلاسلنا
ونعتق في سلاسلنا
ونسخر من زنازينك
مساجينك .. مساجينك .. مساجينك
حكايات الهوى الاول بنحكيها
بدايات الغنى الطّول نغنيها
حقيقة وليس تتأول ح تهرب من عناوينك
للسودان عواطفنا
وبالسودان مواقفنا
ولما تهُّب عواصفنـا
ما حيلة قوانينك
مساجينك .. مساجينك .. مساجينك

 

[عفراء عبد الحميد]

غني يا خرطوم وغني
شدّي أوتار المغني
ضوي من جبهة شهيدك
أمسياتك واطمئني
نحن منك ريح وهبّت
نار وشّبت
في وجوه الخانو اسمك
يا جميلة
ونحن يا ست الحبايب
من ثمارك
في دروب الليل نهارك
وقبل ما يطول انتظارك
نحنا جينا
ديل انحنا
القالو فتنا
وقالو متنا
وقالوا للناس انتهينا
جينا زى ما كنا
حضنك يحتوينا
لما فارسك فينا هبّ
وعبّ حجرك بالمحبة
وبالأماني
صحا نار الثورة ثاني
وجانا داخل
زي شعاع الشمس من كل المداخل
جانا أقدر
ختّ من فوق كتفك ايدو
وهزّ بالمنشور وبشّر
يومها فرهد في عيونك
غصن اخضر
وفرحة اكبر
من شجونك
والسلاسل، ياجميلة
يوما كان ميلاد شهيدك
يلا غني
ولاقي عيدك
ولي ثمارك لقّي ايدك
جيل مكافح حلا جيدك
وفك قيدك
ومن غضبنا الحّرو لافح
يا ما باكر
من زنازين العساكر
نبني مجدك ومهرجانك
وكل قطرة دم عشانك
لي جديدك يا جميلـــة

 

[احمد الحبر]

يا صاحي قبل الطير
والدنيا شتوية
واهب العمر للغير
يومية .. يومية
يومية شان ام زين
احلامها ما تنداس
ما تنحرق بالشوق
ما تبقى منسية
شان يمشي مدرستو
زي كل ولاد الناس
مرفوع وعالي الراس
اسمو وغنا ونضموا
اسمك ثلاثية
الكول شبر في الايد
في كتفوا طورية
اولى انت بي بلدك ولا الحرامية

وتسقط وتسقط بس:blb8::ANSmile30: