مرثية محمد نقد الله لاخيه ابراهيم

[um rayan]

في ذكري وفاة شقيقه ابراهيم نقد الله غرقاً كتب محمد هذه المرثية نسأل الله ان يتقبله شهيدا ويعوض شبابه الجنة

اه يا القدر ليه يا البحر حكمك اليم
كان اختيارك (ابراهيم)
الحسره مزقت القلب
و الضربه كانت في الصميم
و من قبل ما اكتب حرف من جوه قلبي
انا بدعو ليك يجعل مقامك في النعيم
و يعوضك زهره شبابك بي عدن
و في اعلي جنه تكون مقيم
غابت شمس يوم السبت
و غاب معاها اجمل حلم و ابيض ضمير
غاب (ابراهيم)
و البسمه فارقت الشفاء
و الدنيا صبحت زي سعير
ما صلو ما كان زول حياه
هادئ الطبع للطيبه و الاخلاق امير
لي امو كان كل الحياه
و لي ابوهو كان املو الكبير
راجيهو بي فارق الصبر يكبر يقاسمو الهم
يكون ليهو الوزير
و تقصر سنين الاغتراب الطولت
و بكره تكبر يا (ابراهومه)
عشان تواصل للمسير
راجيك تشيل اسمو تنور دنيتو
و منك بينتظر الكتير
و كان عزرائيل راجيك
تتم عشرين سنه
و ياخدك لمثواك الاخير
زول ملتزم كان (ابراهيم)
و للاحترام احسن سفير
للعيله كان مصدر فخر
و كان بيك محمد يستنير
البسمة يوم ما فارقت و جهو
البرئ و يحيرك في الحكمه
و العقل الكبير غاب (ابراهيم)
و عزانا اننا كلنا صايرين
الي نفس المصير
جانا الخبر والغابه اتشحت سواد
و سالت دموع العيلفون
غاب (ابراهيم)
و نضب معين الفرحه في جوانا لعده قرون
و بقينا اصحاب للاسي و وجع القلب
و بعدك يمين لا نمنا
لا غمضت جفون
و ما ظني من بعدك قسم
نقدر نضوق طعم الهنا
او فرحه تشرق في العيون
نبكيك ابراهومه بي حرقه و الم
نبكيك و نبكي الطيبه و القلب الحنون
نبكيك (ابراهيم) بدمع الدم
علي مر السنين
بل قل قرون
و لولا امتثال لي ربنا
و حكم القدر كان فتنا مرحله الجنون
ما كل زول طال العمر
وللا ان قصر راجيهو
يوم ولا بد تطالو يد المنون
استغفر الله .....
لزومو ايه كان السبيل
ما يتملي
عشان انت تنزل للبحر
و من اصلو ليه كان البحر
ما اتعمل ليهو السياج ....
عشان يبقي للزيك قدر
و ليه ما في زول فكر يخط
بي خط عريض
احـــــذر خطـــــر
و ليه ما يجيبو غفر عديل .....
و ياخدوا راتب كل شهر ما انت ما اول شهيد ....
اتزف بي نفس العمر
نفس المأسي اتكررت....
ليه مافي مسؤول اعتبر
و الله لو عترت بغله في العراق
دي تكون قضيتك يا عمر
كان همو (ابراهيم)
دوام كيف يبقي طالب هندسة
كل الطرق كل الكباري الطايره يبقي مؤسسا
و تطلع نتيجه الامتحان ممتاز عديل .....
يرجع يعيد من غير زهج او دبرسه
لازم اخش بي نسبتي ....
صمم يخش بي نسبتو ....
و كان ينتقد علم القروش و الخصخصة
شال الصبر عاد السنه ....
مليان حلم ...
و امال عريضه مدسدسه
الا النتيجه اتاخرت اسبوع فقط ....
و كان الاجل نحوك خطاهو تحسسا
تاري القدر منذ الازل
كاتب نهايات العلم عندك تكون المدرسه
تكفيك (ابراهيم) شهاده العيلفون
انك مثالي و زول صلاة
و يكفيك انو و ضوك كان توقيع اخير
ختم الحياة
و يكفيك امك و ابوك
راضين عليك
و بيدعوا ليك صباح مساء
يجعل مقامك (ابراهيم)
في الجنه وسط الصالحين و الاصفياء
و يلهمنا من بعدك صبر ايوب
علي مر البلاء
و محمـــد من بعدك
يكون لينا العزاء و يارب بركتو تدبلا ......
و يارب بركتو تدبلا​

 

[محمد جعفر]

كان همو (ابراهيم)

دوام كيف يبقي طالب هندسة
كل الطرق كل الكباري الطايره يبقي مؤسسا
و تطلع نتيجه الامتحان ممتاز عديل .....
يرجع يعيد من غير زهج او دبرسه
لازم اخش بي نسبتي ....
صمم يخش بي نسبتو ....
و كان ينتقد علم القروش و الخصخصة
شال الصبر عاد السنه ....
مليان حلم ...
و امال عريضه مدسدسه
الا النتيجه اتاخرت اسبوع فقط ....
و كان الاجل نحوك خطاهو تحسسا
تاري القدر منذ الازل
كاتب نهايات العلم عندك تكون المدرسه​

كلمات مُوجعة ومُؤلمة واثرتني جداً ..
نسأل الله ان يتقبله قبولاً حسناً وأن يلهم اهله وذويه الصبر والسلوان .. ولا حول ولا قوة الا بالله ..

 

[um rayan]

كلمات مُوجعة ومُؤلمة واثرتني جداً ..
نسأل الله ان يتقبله قبولاً حسناً وأن يلهم اهله وذويه الصبر والسلوان .. ولا حول ولا قوة الا بالله ..

هي كذلك موجعة مؤلمة
كان الالم كبيرا عندما ظهرت النتيجة تؤهله لدخول الكلية التي حلٌم بها ،اسأل الله ان يتقبله شهيداهو ورفيقه عثمان بركات

 

[عبدالله التيت]

نسأل الله ان يرحمه ويغفر له

 

[الوان]

اللهم اغفر له وارحمه واسكنه فسيح جناتك مع الصديقين والشهداء وحسن اولئك رفيقا
اللهم ابدله دارا خيرا من داره واهلا خيرا من اهله
اللهم اغسله بالماء والثلج والبرد ونقه من الذنوب والخطايا كما ينقى الثوب الأبيض
اللهم والزم اهله الصبرولهم حسن العزاء
وانا لله وانا اليه راجعون

 

[محمد جعفر]

هي كذلك موجعة مؤلمة
كان الالم كبيرا عندما ظهرت النتيجة تؤهله لدخول الكلية التي حلٌم بها ،اسأل الله ان يتقبله شهيداهو ورفيقه عثمان بركات

لا حول ولا قوة الا بالله..

وقاسية حد الموت تلك اللحظات التي تمر على ذاكراتنا ونتزكر فيها اعزاء كانوا معنا بالامس وعشنا معهم تفاصيل احلامهم وطموحاتهم وشاءت الاقدار ان تأخذهم قبل تحقيقها ..
لكنها سُنة الحياة وكلنا راحلون لا محالة ..

ربِ تقبل إبراهيم وعثمان شهداء عندك ، وعوّض شبابهم الجنة ..

 

[um rayan]

نسأل الله ان يرحمه ويغفر له

اللهم اغفر له وارحمه واسكنه فسيح جناتك مع الصديقين والشهداء وحسن اولئك رفيقا
اللهم ابدله دارا خيرا من داره واهلا خيرا من اهله
اللهم اغسله بالماء والثلج والبرد ونقه من الذنوب والخطايا كما ينقى الثوب الأبيض
اللهم والزم اهله الصبرولهم حسن العزاء
وانا لله وانا اليه راجعون

نسأل الله ان يتقبل دعاءكما شاكرة مروركما الكريم عبد الله ومهند

 

[ياسر عبدالرحمن خيري]

لزومو ايه كان السبيل
ما يتملي
عشان انت تنزل للبحر
و من اصلو ليه كان البحر
ما اتعمل ليهو السياج ....
عشان يبقي للزيك قدر
و ليه ما في زول فكر يخط
بي خط عريض
احـــــذر خطـــــر
و ليه ما يجيبو غفر عديل .....
و ياخدوا راتب كل شهر ما انت ما اول شهيد ....
اتزف بي نفس العمر
نفس المأسي اتكررت....
ليه مافي مسؤول اعتبر

بحجم" الحُرقة " و حجم الألم جاء النص صادِقاً شأن كُلّ المرثيّات
رائعة من محمد نقد الله ونسأله عزّ وجلّ الرحمة والمغفرة للشهيدين ابراهيم و عثمان و كُلّ مَن غيَّبهم النيل أو الإهمال

 

[عائشة الفاتح]

لا حول و لا قوة إلا بالله ،
كان من أكتر الأيام العصيبة المرت علي في حياتي ، جنازتين من بيتين متقابلين ،
و لا نقول إلا ما يرضي الله إنا لله و إنا إليه راجعون ، ربنا يرحمه و صحبه عثمان و يجمعكم به في الجنة ،

 

[um rayan]

بحجم" الحُرقة " و حجم الألم جاء النص صادِقاً شأن كُلّ المرثيّات
رائعة من محمد نقد الله ونسأله عزّ وجلّ الرحمة والمغفرة للشهيدين ابراهيم و عثمان و كُلّ مَن غيَّبهم النيل أو الإهمال

تلك التساؤلات التي تسألها محمد لو نُفذت لكانت منعت كثير من الماسي التي اتت لاحقا نسأل الله لهما المغفرة والرحمة وان يعوض شبابهما الجنة

لا حول و لا قوة إلا بالله ،
كان من أكتر الأيام العصيبة المرت علي في حياتي ، جنازتين من بيتين متقابلين ،
و لا نقول إلا ما يرضي الله إنا لله و إنا إليه راجعون ، ربنا يرحمه و صحبه عثمان و يجمعكم به في الجنة ،

كانت ا يام عصيبة مؤلمة اضافة للجيرة يا عشوش كانا رفيقا دنيا وضمهما قبر واحد اسأل الله ان يعوض شبابهما الجنة ويجمعنا بهم جميعا فيها

 

[على عدلان]

رحمهما الله و جعل الجنة مثواهما

الادب هو موهبة أن نحكي حكاياتنا كما لو كانت تخص آخرين ، وأن نحكي حكايات الآخرين كما لو كانت حكاياتنا
قصيدة جعلتنى اشعر بالحزن و الاسى

 

[um rayan]

رحمهما الله و جعل الجنة مثواهما

الادب هو موهبة أن نحكي حكاياتنا كما لو كانت تخص آخرين ، وأن نحكي حكايات الآخرين كما لو كانت حكاياتنا
قصيدة جعلتنى اشعر بالحزن و الاسى

اللهم امين
و يقولون ان المعاناة تولد الابداع فكثير من الروائع الادبية كانت نتيجة معاناة

 

[محمد عبد المطلب محمد]

حزينة ومعبرة وباكية (تقطع القلب) وما زادني الماً انه فاتني سهوا ان اقدم واجب العزاء لاهلي علي الفقد الجلل
نسأل الله ان يتقبله قبولا حسنا ويدخله الجنة شهيدا ورفيقه وان يُصبر الاُم المكلومة