عبدالعظيم الفكى
Active member
مرثيه - الراحل عبدالقادر مضوى
الشاعر عبدالرحمن على الأمين ( ميكائيل)
السروراب 7/7/ 1999 م
من وين أبدأ ما بوفى مهما أقول * مابقدر أجيد وصفك وقف مذهول
هزانى الفراق يا خوى بقيت مشلول* إلا الناس أبت دايرانى لازم أقول
إنهدم البناء وأصبح محله خراب * يالجن إنسكن يوم شؤم معاه غراب
الليله القمر ودع سماهو وغاب * عبدالقادر أخوى البتعزك السروراب
إنهدم الركن وإنشقت الأطراف * والنور إنطفى الكان بعيد بنشاف
إياك العقاب أجمعنا مافى خلاف * يا حليل البجينا ولينا بفقد شاف
ياود الشيخ إدريس يا جنى الأرباب* يا ود بت إسيد يا الظنى فيك ما خاب
فارس أمات لجام ياللخيول الركاب * بعشوم البصهلن ليك لملم وجاب
يا ود الملوك يا ود سعد وصبير* يا فقد البلاد الناس كبير وصغير
يا فارس الخيول ماكنت فيها شهير * يا ركاب على باترالصعب وأم خير
(1)يا ضقل السدر مليان تحت عراق * يا واصل القريب يا للى البعيد ساساق
منك ما رويت عطشان عليك مشتاق * لكن دا القدر لى كل حبيب فراق
مهما يوصفوك ما بوصفك وصاف * والبسمع سمع ما ببقى زى الشاف
الما شاف أخوى أصلا يكون ما شاف * زى حاتم كريم كرار شجاع ما بخاف
فقدك هز كل السمعو والشافوك *ببكو الناس مع الببكوك وما بعرفوك
يا ارباب كراعك جابتم عزوك * فى واوسى ناس ود أبودبل فقدوك
أحزن يا حسن مادام فقدت أخوك * يا حامد يجوك الناس وما بعرفوك (2)
لفيت البلد زى لفة الماكوك * والدرب المشيتو الليله بيهو يجوك
يا بت المنى يا حليل حليلو أبوك * يا سعد إستعد ديل القبايل جوك (3)
ياأبراهيم تعال أبكى وأقلدو أخوك * منحى يا كتيره الليله عزى أبوك (4
شوف ست البنات واولادها حزنانين * أولاد مصطفى الدمعه فى العينين (5)
يا حمزه الحزين الليله عمك وين * عم الكون ظلام غائب قمر دورين (6
يبكوك المحس أعمامك الفراس * جموعيه أخوالك بكوك بى نحاس
يبكوك الجميعاب أولاد أخوك الياس * يا ود القبايل لامى كل الناس
حنك تبكى تمساح الكرد والشيمه * فرعك فى السماء وعرقك بعيد فى حزيمه
تخلع لى عدوك تورا رمالو هديمه * يا ود الملوك الشكره هيلو قديمه
يبكنك بنات سوبا وعليك حادات * بالقنج القديمه ومن دهن حافات
تبكى العيلفون تزرف عليك دمعات * يا ود المضوى ويا سليل بركات
تبكيك الدبيبه يا أخو الأخوان *والشيخ الأمين تبكيك لى أم ضبان
يبكوك العازفين يبكيك كل فنان * والخرطوم حزينه تعزى فى أم درمان
تبكيك العسيلات يا عشا البايتات * هزاها الخبر لى دينا سدت جات
يا فقد أم قحف وجميع إسم بركات * يا فقدالصبابى وبحرى لى شمبات
يبكيك الشيخ إدريس خالك الرباك * وتبكى الملكه آمنه خالتك الفاقداك
تبكى خديجه غادى كل ما تطراك * والحمديه ما أظن ليها قعده وراك
يبكى العاقب الحزنان تركته مشيت * يبكيك الفقير الليهو كم أديت(7
تبكيك الزهو وأخوانه كل البيت * يبكى عليك كل ما مده ليك طريت
يبكى عليك على الفى الصحافه نعاك * يأب كفا ندى ما ببصد قماح الجاك (8)
يا ولادة الرضا وبار أمك الوالدك * فى عالى الجنان إن شاء الله تبقى معاك
يبكيك كل مسماع يا أبو عبده وينك لى * وكل ما نسمع الجاغريو طرى الطاقيه
عبدة الجننك يا خوى كتير ما شويه* نطراك كلما شاعر وصفلو بنيه
كل ما اشوف خيول يا خويا ما بنساك * وكل ما اشوف حزام مربوط وسط أطراك (9)
كل ما أشوف مبارك أطرى جيتو معاك * يا أحمد أبوك فارق رحل خلاك (10
ان شاء الله الجنان يا أخوى تكون مثواك * والجاغريو يكون بى رقه حتو معاك
أوصاف الحوارى القاله والملاك * يابو عبده بتكون موجوده ديمه معاك
الشاعر عبدالرحمن على الأمين ( ميكائيل)
السروراب 7/7/ 1999 م
من وين أبدأ ما بوفى مهما أقول * مابقدر أجيد وصفك وقف مذهول
هزانى الفراق يا خوى بقيت مشلول* إلا الناس أبت دايرانى لازم أقول
إنهدم البناء وأصبح محله خراب * يالجن إنسكن يوم شؤم معاه غراب
الليله القمر ودع سماهو وغاب * عبدالقادر أخوى البتعزك السروراب
إنهدم الركن وإنشقت الأطراف * والنور إنطفى الكان بعيد بنشاف
إياك العقاب أجمعنا مافى خلاف * يا حليل البجينا ولينا بفقد شاف
ياود الشيخ إدريس يا جنى الأرباب* يا ود بت إسيد يا الظنى فيك ما خاب
فارس أمات لجام ياللخيول الركاب * بعشوم البصهلن ليك لملم وجاب
يا ود الملوك يا ود سعد وصبير* يا فقد البلاد الناس كبير وصغير
يا فارس الخيول ماكنت فيها شهير * يا ركاب على باترالصعب وأم خير
(1)يا ضقل السدر مليان تحت عراق * يا واصل القريب يا للى البعيد ساساق
منك ما رويت عطشان عليك مشتاق * لكن دا القدر لى كل حبيب فراق
مهما يوصفوك ما بوصفك وصاف * والبسمع سمع ما ببقى زى الشاف
الما شاف أخوى أصلا يكون ما شاف * زى حاتم كريم كرار شجاع ما بخاف
فقدك هز كل السمعو والشافوك *ببكو الناس مع الببكوك وما بعرفوك
يا ارباب كراعك جابتم عزوك * فى واوسى ناس ود أبودبل فقدوك
أحزن يا حسن مادام فقدت أخوك * يا حامد يجوك الناس وما بعرفوك (2)
لفيت البلد زى لفة الماكوك * والدرب المشيتو الليله بيهو يجوك
يا بت المنى يا حليل حليلو أبوك * يا سعد إستعد ديل القبايل جوك (3)
ياأبراهيم تعال أبكى وأقلدو أخوك * منحى يا كتيره الليله عزى أبوك (4
شوف ست البنات واولادها حزنانين * أولاد مصطفى الدمعه فى العينين (5)
يا حمزه الحزين الليله عمك وين * عم الكون ظلام غائب قمر دورين (6
يبكوك المحس أعمامك الفراس * جموعيه أخوالك بكوك بى نحاس
يبكوك الجميعاب أولاد أخوك الياس * يا ود القبايل لامى كل الناس
حنك تبكى تمساح الكرد والشيمه * فرعك فى السماء وعرقك بعيد فى حزيمه
تخلع لى عدوك تورا رمالو هديمه * يا ود الملوك الشكره هيلو قديمه
يبكنك بنات سوبا وعليك حادات * بالقنج القديمه ومن دهن حافات
تبكى العيلفون تزرف عليك دمعات * يا ود المضوى ويا سليل بركات
تبكيك الدبيبه يا أخو الأخوان *والشيخ الأمين تبكيك لى أم ضبان
يبكوك العازفين يبكيك كل فنان * والخرطوم حزينه تعزى فى أم درمان
تبكيك العسيلات يا عشا البايتات * هزاها الخبر لى دينا سدت جات
يا فقد أم قحف وجميع إسم بركات * يا فقدالصبابى وبحرى لى شمبات
يبكيك الشيخ إدريس خالك الرباك * وتبكى الملكه آمنه خالتك الفاقداك
تبكى خديجه غادى كل ما تطراك * والحمديه ما أظن ليها قعده وراك
يبكى العاقب الحزنان تركته مشيت * يبكيك الفقير الليهو كم أديت(7
تبكيك الزهو وأخوانه كل البيت * يبكى عليك كل ما مده ليك طريت
يبكى عليك على الفى الصحافه نعاك * يأب كفا ندى ما ببصد قماح الجاك (8)
يا ولادة الرضا وبار أمك الوالدك * فى عالى الجنان إن شاء الله تبقى معاك
يبكيك كل مسماع يا أبو عبده وينك لى * وكل ما نسمع الجاغريو طرى الطاقيه
عبدة الجننك يا خوى كتير ما شويه* نطراك كلما شاعر وصفلو بنيه
كل ما اشوف خيول يا خويا ما بنساك * وكل ما اشوف حزام مربوط وسط أطراك (9)
كل ما أشوف مبارك أطرى جيتو معاك * يا أحمد أبوك فارق رحل خلاك (10
ان شاء الله الجنان يا أخوى تكون مثواك * والجاغريو يكون بى رقه حتو معاك
أوصاف الحوارى القاله والملاك * يابو عبده بتكون موجوده ديمه معاك
****************
1)أم خير : إسم حصان
2) حسن : حسن مضوى شقيق المرحوم وحامد شقيق المرحوم أيضا
3) بت المنى : إبنة المرحوم- سعد : سعد الملك الحسين
إبراهيم : إبراهيم الملك الحسين
5) ست البنات - شقيقة المرحوم - أولاد مصطفى - أولاد العمده مصطفى بركات
6) حمزه : حمزه عبدالقادر بركات
7) العاقب - العاقب الشيخ هدى _ صديق المرحوم
8) على - على الفكى
9 ) حزام - قصيدة الجاغريو في الحزام
10) مبارك - مبارك حسن بركات - أحمد - أحمد الصادق احمد حامد
2) حسن : حسن مضوى شقيق المرحوم وحامد شقيق المرحوم أيضا
3) بت المنى : إبنة المرحوم- سعد : سعد الملك الحسين
إبراهيم : إبراهيم الملك الحسين
5) ست البنات - شقيقة المرحوم - أولاد مصطفى - أولاد العمده مصطفى بركات
6) حمزه : حمزه عبدالقادر بركات
7) العاقب - العاقب الشيخ هدى _ صديق المرحوم
8) على - على الفكى
9 ) حزام - قصيدة الجاغريو في الحزام
10) مبارك - مبارك حسن بركات - أحمد - أحمد الصادق احمد حامد
التعديل الأخير: