معرض النحت علي البتيخ . برعاية [you]

ودمانديد

ودمانديد

Administrator
طاقم الإدارة
هههههههههههههههه
ياحليل الزمن داك
الغريبة قبل كم يوم بحكي لي واحد زميلنا هنا كيف كنا نزرع البطيخ في ( المقي )

وكمية الجمام البنحفرها والماروق البنكبو وحلاة البتيخ البطلع

بالله اشرح لي عشوش دي المقي يعني شنو باقي شهادة عربية
هاشم عبد الكريم قال:
ما فضل شئ غير الشبكة ام غُره،
تحياتنا للجميع ،
أنقر للتوسيع...

شكرا للمرور الطيب وكنت اتمنى تعليقات أحلى
:gamza:
عائشة الفاتح قال:
ههههههه التعليقات أحلى من الصور . .
أنقر للتوسيع...
 
ودمانديد

ودمانديد

Administrator
طاقم الإدارة
عائشة الفاتح قال:
أشرحوا لي معاكم ?????? ?? ?ُ?? . . عشان ما أسأل تاني
أنقر للتوسيع...

لو ما بتعرفي الشبكة أم غُرة تكون كارثة جد

وبما أن الشئ بالشئ يذكر كل البوست دا مترابط

الشبكة ام غرة دي زمان كان بشيلو فيها البتيخ باللواري من العيلفون إلى الخرطوم

والصفة للشبكة جاءت من وصف الجاغريو وحسرته على اختفاء الشبكة ام غرة لان الفيضان كان قد أكل الأخضر واليابس سنة 46 ماخلى ولا دقلة (برضو قولي الدقلة شنو)

نحيلك للمرافعة التالية من شاعرنا شاعرنا أحمد محمد الشيخ (الجاغريو)
================
البحر السطيت غيرك مافى ذكرى
كشفت العرايس،العجوز والبكره
وهدمت القصور
الخولى النشيط صار ما عندو فكره
وأصبح ساهى حاير والت عقلو سكره
والأفكار تدور
ما هماك حالن ، مافيش ليك شكره
زملو لى رحالن،عرفوك ناوى مكره
خايضين للصدور
ماكر جيتنا ساير،ليلك كلو تسرى
دمرت البشائر،واتعوضنا حسره
وتيارك يفور
كلما تشوف زراعة عليها أخذت كسره
تنهض لى صراعا كاتل ليك مسره(صف)
حكمك كلو جور
تربالى وزباينو يبكو العرق الشره
ربيت الغبائن خورك ليهو كره
أصلك ما بتشور
ظلمك جبتو باين ، تهجم كره كره
تخلع للمباين اتلقوك بره
زى يوم النشور
الكاسحه والمنجره
خافت من أمورك يا المنعت الدره
مابتدور أجر
حايرين فى جنايتك والأدهى وأمره
التيراب تلاشى وانعدم بالمره
ما بنفع عذر
كسرت الطوارى،البيك سوقها حره
غفروا ليك سوارى،أنت قاصع الجره
محمر فى الخدور
حليل شحن اللوارى والشبيكه أم غره
وأصوات البوارى والخشب المغره
وميلان الحدور
هددت الدواب لدرجة الدره (يعني النملة الصغيرة)
حكمك ديكتاتورى فى الكون كلو شره
ما بحبسوك كجور
غايتو بلغت غايتك بالإراده الحره
وين يا نيل عنايتك مزارعيك فره
كايس للصبر

*الخورى هو مفتش الغيط الإنجليزى ورئيس المزارعين
 
ع

عبدالله التيت

Administrator






 
البحّات

البحّات

New member
كل الإعتذار للمنتدين , و البوست الفني الرائع , و الله ما لاحظته إلا اليوم.
دا من (جزاء ) , أن تغيب عن المنتدى , تكون خاسراً , لكم أنضر التحايا , و أخضر البطيخ , و أبشّركم بتأهيل أستاد العيلفون الجميلة ,تسلمون
 
يجب تسجيل الدخول أو التسجيل كي تتمكن من الرد هنا.
أعلى