هاام - قروب أبناء العيلفون علي المسنجر أولان لاين

[وضاح عثمان]

الأخوة أعضاء هذا المنتدى الرائع من أبناء منطقتي الحبيبة العيلفون وددت أن أقدم لكم هذا القروب الخاص بمنتدى أبناء منطقة العيلفون كجزء بسيط للترابط أبناء المنطقة عبر المسنجر لمعرفة أخبار المنطقة ولتكوين مذيد من التعارف والترابط ،، وقد يكون البعض منا لا يعرف بعض الأعضاء فجعلت هذا القروب ليربط بين جميع الأعضاء وتناول الدردشة عبر المسنجر فيما بعضهم فأتمنى أن ينال القبول والإيعاز من قبل إدارة المنتدى ،،،
group220772@groupsim.com
تنويه لطريقة الإضافة

1- يقوم العضو بنسخ الرابط أعلاه وإدراجه في المسنجر كجهة إتصال جديدة
2- يقوم القروب إتوماتيكياً بقبول اضافة العضو .
3- عند كتابة العضو أي كتابة تصله دعوة بالقبول أو الرفض وذلك حتي يتسنى الدخول لقائمة الأعضاء المتواجدون .

 

[عبد الله عمر]

فكرة جميلة يا وضاح وانا اول المشاركين
تخريمة كدي النعمل الاضافة

 

[وضاح عثمان]

ياجماعة نحنا عملنا القروب عشان الناس تتعارف وتتقابل بالمسنجر لكن مافي إقبال عليهو نرجو من الأخوة اضافة الرابط أعلاه والتسجيل بالقروب

 

[kota2b]

هلا بيك وضاح فكرة حلوة واللة منك وانا اوفق على الفكرة من دون تردد يا مان

 

[وضاح عثمان]

يسلمووو kotaولك التحية ونشوفك بي هناك

 

[معتز الحمدنالابي]

شكرا وضا سجلنا لكن المسنجر الايام ده معصلج معانا شوية ما قصرت تسلم يا زعيم

 

[وضاح عثمان]

تسلم حبيبنا معتز وبرضو في إنتظارك ياغالي ،، لك خالص التحايا

 

[احمد الحبر]

فكره جميله لكن .........
ربما هذه الفكره تضعف المشاركه في المنتدى يا وضاح ..
فلو شارك الاعضاء كلهم في القروب .. حا ينسوا المنتدى وحا يكون تركيزهم على التحدث عبر القروب ..

 

[وضاح عثمان]

فكره جميله لكن .........
ربما هذه الفكره تضعف المشاركه في المنتدى يا وضاح ..
فلو شارك الاعضاء كلهم في القروب .. حا ينسوا المنتدى وحا يكون تركيزهم على التحدث عبر القروب ..[/quote

مرحب بيك ود الحبر وطولته ماخشيت علينا ،، والفكرة هي حلوة وحلوة شديد لي أسباب كتيرة جداً منها إنو في ناس كتيرين في المنتدى مابنعرفهم ديل لمن يخشو ونتعرف عليهم بكون إكتسبنا المعرفة قبل مانبدى في المواضيع ، وأي شخص عندو موضوع عاوز يكتبو ماأظن حيشغلو قروب أوخلافه ،،، عليه الفكرة جميلة ونتمنى نشوفك معانا ،، وتقبل تحياتي

 

[احمد الحبر]

فكره جميله لكن .........
ربما هذه الفكره تضعف المشاركه في المنتدى يا وضاح ..
فلو شارك الاعضاء كلهم في القروب .. حا ينسوا المنتدى وحا يكون تركيزهم على التحدث عبر القروب ..[/quote

مرحب بيك ود الحبر وطولته ماخشيت علينا ،، والفكرة هي حلوة وحلوة شديد لي أسباب كتيرة جداً منها إنو في ناس كتيرين في المنتدى مابنعرفهم ديل لمن يخشو ونتعرف عليهم بكون إكتسبنا المعرفة قبل مانبدى في المواضيع ، وأي شخص عندو موضوع عاوز يكتبو ماأظن حيشغلو قروب أوخلافه ،،، عليه الفكرة جميلة ونتمنى نشوفك معانا ،، وتقبل تحياتي

والله يا وضاح انا ماعرف لكن كان مشيت أخذت ذهن الأعضاء من المنتدى شيل شيلتك !!!
سجلنا معاكم قلن (النشوف أخرتا)

 

[وضاح عثمان]

والله يا وضاح انا ماعرف لكن كان مشيت أخذت ذهن الأعضاء من المنتدى شيل شيلتك !!!
سجلنا معاكم قلن (النشوف أخرتا)

أيوه كده تمااام ياولدنا ومرحب بيك معانا، ياود الحبر شيلتي شـنو أنا لسه ماعاوز أعرس يازول مالك علي ههههههههه يلا أشوفك بي هناك يازعيم ،، لك التحية

 

[كرم الله]

بتوفبق فكرة جميلةارجو من الاعضاء المشاركة

 

[ود الشريف]

وضاح سلام عليكم دى فكرة حلوة جدا احيك عليها والله الواحد بدل ما يفتش فيهم بالواحد لميت الشمل يا وضاح تسلم

بس انا ما عرفتك برضو

 

[ود الناظر]

تسلم ياوضاح على الفكره الرائعه دي
لكن عندي ليكم فكره عشان يكون الاقبال كبير
تعمل اعلان في الصفحه الرئيشيه بتاعت المنتدى
وشكرا

 

[وضاح عثمان]

وضاح سلام عليكم دى فكرة حلوة جدا احيك عليها والله الواحد بدل ما يفتش فيهم بالواحد لميت الشمل يا وضاح تسلم

بس انا ما عرفتك برضو

تسلم ياودالشريف ومنتظرينك بي هناك يازعيم ،، لك ودي

 

[وضاح عثمان]

تسلم ياوضاح على الفكره الرائعه دي
لكن عندي ليكم فكره عشان يكون الاقبال كبير
تعمل اعلان في الصفحه الرئيشيه بتاعت المنتدى
وشكرا

كلامك سليم ياودالناظر والأمر مرفوع للإدارة للنظر فيه ،، لك ودي

 

[زرقان]

هلا بيك وضاح فكرة حلوة واللة منك وانا اوفق على الفكرة من دو ن تردد يا مان تسلم ياوضاح على الفكره الرائعه دي:ahl1:

 

[القاسم السر]

المثل العامي السوداني بيقول الماعندو كبير يستشيرلو كبير واسأل مجرب ولا تنسى استشارة الطبيب من رأي ان هذه الطريقه بتضعف المنتدى وربما تكون سبب في قفله واضم صوتي لاحمد الحبر ومن اراد ان يتبع هذه الطريقه له الحريه في ذلك ولكن بعد فتره وجيزه سوف نرى النداءات من بعض اعضاء المنتدي وهم يتسألون اين فلان واكرر من رأي الشخصي لا اوافق علي هذه الطريقه لانها طريقه محدوده وتجمع بين مجموعات ومعينه وهذه تأكيد لوجهة نظر بعض الاخوه اعضاء المنتدى بأنهم قالوا ان المنتدى اصبح شلليات بهذه الطريقه اننا نفقد مداخلاتكم المفيده يا اخي وضاح لا تكن فرتاق صفوف نعم ضم اليك في ماسنجرك ما تحب ودردش معه كيف ما تشاء ولأن الماسنجر يجعلك تسير في اتجاه واحد ولا يجعلك تتصفح ابواب المنتدى ولنا في ذلك تجربه اتمنى ان تقبل وجهة نظري بصدر رحب

 

[وضاح عثمان]

المثل العامي السوداني بيقول الماعندو كبير يستشيرلو كبير واسأل مجرب ولا تنسى استشارة الطبيب من رأي ان هذه الطريقه بتضعف المنتدى وربما تكون سبب في قفله واضم صوتي لاحمد الحبر ومن اراد ان يتبع هذه الطريقه له الحريه في ذلك ولكن بعد فتره وجيزه سوف نرى النداءات من بعض اعضاء المنتدي وهم يتسألون اين فلان واكرر من رأي الشخصي لا اوافق علي هذه الطريقه لانها طريقه محدوده وتجمع بين مجموعات ومعينه وهذه تأكيد لوجهة نظر بعض الاخوه اعضاء المنتدى بأنهم قالوا ان المنتدى اصبح شلليات بهذه الطريقه اننا نفقد مداخلاتكم المفيده يا اخي وضاح لا تكن فرتاق صفوف نعم ضم اليك في ماسنجرك ما تحب ودردش معه كيف ما تشاء ولأن الماسنجر يجعلك تسير في اتجاه واحد ولا يجعلك تتصفح ابواب المنتدى ولنا في ذلك تجربه اتمنى ان تقبل وجهة نظري بصدر رحب

العم القاسم السر لك التحية بقدر روعتك وفعلاً الماعندو كبير يشتري ليهو كبير ، أنا معك في بعض ماذكرت وأختلف مع معك في الجزء الأكبر ، وأحب أن أوضح لك أن القروب لا ينحصر أو مخصص لشخص أو مجموعة وإنما هو عبارة عن بيت كبير يسع ألاف المشتركين والهدف منه لم الشمل مع الأعضاء ومعرفة أخبارهم وهو تابع للمنتدى أي جزء لا يتجزء منه ، ولم أقصد به كما ذكرت من كلام ( فرتاق صفوف ) وإذا كنت قد فهمت هكذا فأستميحك عذراً إني لا أقصد بها أن أفرتق الصفوف فهذه الكملة ليس هذا مكانها ، نعم أتقبل وجهة نظرك لكن بطريقة حيادية وليس أن تفسر القروب على أنني فرتقاق صفوف !! ماقصدنا به هو لم الأعضاء والدردشة مثل الدردشة التي في أعل المنتدى !! هل تؤثر في شي على المنتدى أو نشاط الأعضاء ،، فالآن معظم المنتديات بها قروب وقصدت بهذا القروب وخصوصاً اننا أبناء منطقة واحدة أن نجتمع وندردش ونعرف اخبار بعض وليس أن نفرتق به الصفوف ،، لك كل الإحترام والتقدير

 

[عثمان فتح الرحمن]

تشكر ياود علي الفكره لا المادة