بشرى مبارك ادريس

السلام عليكم ورحمة الله وبركاته
احسن الله عزاءكم فى والدكم له الرحمة والمغفرة
اتصلت بك من خلال رقمك الموجود بالمنتدى ولكن لظروفك لم ترد
تعرفت بك من خلال تواصلك بالمنتدى بارك الله فيك
مع تحياتى
أحمد الشيخ ادريس محمد ابوحنينة
سكان الاقليم الجنوبى ههههه اقصد ام قحف
من الرياض السعودية عشرات السنين غربة نسال الله ان يردنا الى بلادنا سالمين جميعاَ

أخى بشرى تحياتى وكل عام وانتم بخير القابلة على عرفات
أوردت فى بعض بوستاتك (نقلا عن الصحافة) خبر يتعلق باخونا الجنيد حسن الأحمر والذى تربطنى به علاقة قديمة وأعتقد أنه من منطقتكم ولابد بتكون بتعرفوأرجو الرجوع للبوست المعنى .إذا كنت حقيقة بتعرفو أرجو إيفائى بمعلومات عنه وأين هو الان ورقم تلفونه.
لك خالص مودتى

الاخ الغالى بشرى اطيب التحايا وانت تسطر بقلمك كل جميل عن العيلفون والسودان لك المحبة والمودة
شهادتنا فيك مجروحة فقد كنت الجار فى السكن والعمل وياماكانت الزيارات العائلية بينكم وبين اسرتنا وذاد على ذلك قرابتكم لعمنا سوار الدهب عيسى من جهة والدته من اهالى السقاى .لاتلتفت الى كلام مخلص فهو من جماعة المؤتمر الشعبى حاقدين على كل من هو مؤتمر وطنى او وطنى غيور
بارك الله فيك وفى امثالك تحياتى للاسرة الكريمة

رسالة شوق وسلام ازفها اليك من ارض العيلفونالطيبة باهلها ازفها اليك وكلها شوق واشتياق لشوفتك الغاليه عندنا في حي بترى وتلك الايام الجميلة التي قضيتها معنا ولك خالص تحياتي واصدقائى اللواء صديق وعماد قوم وعوض الكريم واسرة نادي الموردة ولك الشكر ///عبدالمنعم عبدالفراج

اخ بشرى تحياتى لك وكل الاخوان معك بس سؤال صغير هل كنت يوما ما حكم باتحاد العيلفون ؟ معليش لانه تشابهت علينا البشريات والجمد لله هذه الايام كلها بشريات خير وبركة

حمدلله على سلامتك عم بشرى , , منور و الله

يازول وين انت طال الانتظار ياحبيب.. والله منور ياجنابو والف الف حمدلا علي السلامه

الاخبار ياجنابو كله تمام ان شاء الله ووين ماظاهر...بلمناسبه متابع كل تعليقاتك في الراي لعام...كميات مودتي...

سلام يا جنابك
اخبارك شنو ؟ اوعه يكون البرد مؤثر عليك وعلى الاولاد

ياروحي حلقي بعيد
مالليلة عيد
الليلة جيتك يالعيلفون
شايل الفرحة في جواي
والسعد من وراي
الليلة جيتك يالعيلفون
انا الغايب في عينيك
و انا الغرقان راجي ايديك
الليلة جيتك يالعيلفون
ان الولهان و كايس اللمة
انا البردان و كايس الضمة
الليلة جيتك يالعيلفون
المعايش جبارة و مجحفة
فراقي ليك غصب ما جفا
الليلة جيتك يالعيلفون
يا ناسي و خلاني نظرة ليها بتطفي احزاني
الليلة جيتك يالعيلفون
انا من وراك اتبهدلت
لاوصلت للدايرو لا لحضنك رجعت
الليلة جيتك يالعيلفون
كفاية انك عشقي و غرامي
كفاية اني فيك بواصل ارحامي
الليلة جيتك يالعيلفون
ما انتي حبي و ودادي
فيك ذكرى اجدادى
الليلة جيتك يالعيلفون
مهم اكون ما بتعالى عليك اتكبر
ما انتي الاصل و جمال الجوهر
الليلة جيتك يالعيلفون
الليلة جيتك و في ضلك داير ارتاح
راجي من امي العفو, طالب من اهلي السماح
الليلة جيتك يالعيلفون
ياهلي شيلو من اكتافي غربة السنين
و خلوني في شوارعها اتبختر
الليلة جيتك يالعيلفون

الحبيب بشري كل سنه وانت طيب والف الف مرحب بيك في منتداكم منتدي العيلفون منور المنتدي والمنتديات المجاورة...اضافه حقيقه للمنتدي...محبتي الاكيدة

الغالى جنابو بشرى لك التحية وللاسرة الكريمة قد قرات قصيدتك فى العيلفون من زمن بدرى فى منتديات سودانيز اون لاين واعجبت بها اشد العجب