الفنان سعد البنا يرثي الراحل مبارك حسن بركات .....

[عبدالعظيم الفكى]

الفنان سعد البنا يرثي الراحل مبارك حسن بركات .....
ورحلت زي نسمة دعاش
جواكا فن راقي واصيل
حافظ دروبو وعارفا
بالقصة والنغم الجميل
والليلة صوت وترك سكت
ياحليلها كلمات الخليل
ناحت حقيبتك في اسي
والليلة حار بيها الدليل​

كنت المبارك في الطرب
اهديتو بروح طيبةفيك
وانا كنت بسعد بيك كتير
ساعة اشوف طلة وشيك
خلقوكا فنان من نشيت
وكان الطرب للروح شريك
واليوم رحلت في هدوء
وكل العيون تدمع عليك​

اه يا زمن الساقية لافة وما بتقيف
في كل يوم برحل جميل
وفي كل يوم نفقد شفيف
والليلة يا اخر العقد
ويا مبارك الفن النضيف
غادرتنا وفات الزمن
في كفتو المعني العفيف​

اه يا بشر فارق مبارك وارتحل
خلا الحقيبة تنوح علي
خايفة السنين خايفة المحل
خايفةالمعاني تروح ورا
وكانت معا فوق في زحل
غادرتنا وغدر الزمن
وجوانا كل شي اضمحل​