تاشيرات سودانية جاهزة

[جااااااااااادو عبدو]

السلام عليكم ورحمة الله - تحياتي واشواقي - يوجد عدد 16 تاشيرة سودانية - 6 بمهنة سائق شاحنة و 10 عامل معماري - للاستفسار الاتصال على الرقم 0544408337
تخريمة
والافضلية لناس العيلفون

 

[احمد الحبر]

مشكور يا جادو ..
بداية قوية وموفقه ..
تخريمه :
(جاااااادو عبدو) اليوزر بتاعك دا حا يورطك لو جيت تدخل من جهاز تاني لازم تعرف عدد (اااااااا) الألف مظبوط عشان ما يقول ليك كلمة المرور خطأ ..
تحياتي

 

[جااااااااااادو عبدو]

تحياتي يا احمد مشكور على المرور

 

[حماده ود ام قحف]

والله ما شاء الله يا جادو تاشيرات عديل كده . شوف لينا واحده رخيصه كده ..

 

[جااااااااااادو عبدو]

ابشر يا حمادة على عيني وراسي - مشكور

 

[عمر العاقب يوسف محمد احمد]

جادو شنو التخريمات دي ناس الباقير ما بنفع نديهم تاشيرة -
تخريمة ما اتزوجتا يا جادو ولا نشوف ليك عروس من الباقير عشان تدينا تاشيرة

 

[تامرازهرى الصديق خير]

تشكر ياااااجااااادو ويخليك لناسك واهلك ..
تحياتى..

 

[القاسم السر]

جادو شنو التخريمات دي ناس الباقير ما بنفع نديهم تاشيرة -
تخريمة ما اتزوجتا يا جادو ولا نشوف ليك عروس من الباقير عشان تدينا تاشيرة

ماهكذا تورد الابل ياعمر

 

[القاسم السر]

نصيحتي ياشباب اقبلوها نحن فقدنا أغلي شي وضيعناه في الغربه فقدنا شبابنا والله ماعادت تجدي هذه التأشيرات إياكم أن تشتروا ذلكم واستعبادكم بأيدكم ماعاد في الاغتراب ثمره هذه نصيحه أما إذا كنتم من أصحاب هذا المثل علي كيفكم ( المكتوله ما بتسمع الصيحه)

 

[تامرازهرى الصديق خير]

نصيحتي ياشباب اقبلوها نحن فقدنا أغلي شي وضيعناه في الغربه فقدنا شبابنا والله ماعادت تجدي هذه التأشيرات إياكم أن تشتروا ذلكم واستعبادكم بأيدكم ماعاد في الاغتراب ثمره هذه نصيحه أما إذا كنتم من أصحاب هذا المثل علي كيفكم ( المكتوله ما بتسمع الصيحه)

العم الفاضل القاسم لك التحية والتجلة ومشكور على النصحية الغالية ..
بس الشباب اصبحو بيهربو من الواقع المر العايشنو هذه الايام فكمية العاطلين عن العمل اصبحت فى تزايد كل يوم والعيشه فى البلد صعبة جدا .. وكل شاب بيحلم يتزوج ويعيش حياة كريمة يتوفر فيها ابسط متطلبات الحياة اليومية ومع الغلاء الحاصل (3ليمونات ب 1000 جنيه) نسأل الله السلامة والرخاء والنماء لبلادى والتوفيق لكل الشباب الحالم ..:a25:
ولك منى التجلة ..

 

[منظراتى]

مالا الغربة عيبوها لى- شرعيا واجتماعيا وماديا والخ - وابسط شى المنتدى ده لو ما الغربة ما كان قام منوفينا الماباع اللابتوب حقو فى السودان عشان ما يشترى الفيزة والله الاف ريال منتظمة تحل مشاكل لى اهلنا
الشباب يقعدو هناك يسو شنو موش لما تبقى فى تنمية وشغل اول شى , وزاتو سيراميك راس الخيمة قفل- اها نسوى شنو . ودمتم

 

[القاسم السر]

المكتوله ما بتسمع الصيحه يا شباب من لم يسمع النصح فليأتي ويدخل في الشبكات ولكن بعدين بصعب عليه المخرج

 

[Abu mohamed]

مشكورررررر يا جااااااادو ..
تحياتي لاهلنا الطيبين ..

 

[ashrafm]

ياود العاقب سلام . القميص ده ملونو ولا اصلو كدا

 

[عمر العاقب يوسف محمد احمد]

وعليكم السلام - عجبك - مشكور - ملونو

 

[مالك النور]

الاخ العزيز/جاااااادو تحيه طيبه كيف أمورك وكيف عاملين مع الغُربه تحياتي للمعاك ـ وبالمناسبه دي مافي تأشيره تاني لأبو الشَفر"بليله"هههههههههههههههههه.

 

[احمد حسن امام]

عايز لي فيزا ماشي الابيض

انت عارف إنو من يأخذ اسمه يمشى الأبيض إذا خلاص التأشيرة جاهزة واصل شوف دفار حامد.

...........
عارفك!!

 

[بشرى مبارك ادريس]

يا جماعة أنا ما من العيلفون لكن أشتغلت فى العيلفون ما بتعملوا لى (إستثناء أولاً و دسكاونت ثانياً !!!) على العموم رسلو لينا فى الخاص سعر الفيزا والضمانات وبصراحة عندى زوج بنت أختى سبق أن كان فى السعودية قبل 8 سنوات (فى الرياض ) ورجع قنعان وأشتغل فى السودان فى شركة مندوب توزيع ومبسوط فى أمان الله لكن بعد الزواج وطفلين كتر عليهو الحمل وأصبح يبحث عن فيزا بشرط أن تضمن له إستقدام زوجته (خريجة جامعة الخرطوم كلية الزراعة قبل 7 سنوات) وسبق أن سافرت العام الماضى لشقيقتها المحاضرة فى كلية البنات بالدوادمى وأشتغلت فى الرياض مع أختها مدرسه (خصوصى) وعملت خلال ثلاثة شهور مبلغ محترم جدا وهم مجهزين مبالغ إضافية وفى إنتظار البترول !!أقصد العقد الذى يكون فيه إستقدام الزوجة من ضمن ميزاته وقالو من 10 ألف ريال وما فوق !!! أرجو الرد فى العام أو الخاص .​

 

[ود الروبي]

تسلم و مشكورين جدا