دفتر الغياب والسؤال عن الاعضاء الغائبين...‏

[محمد البرنس]

:bsm:​

أخوتى وأخواتى الاعزاء سلام الله عليكم...
قد يغيب الواحد فينا بسبب ظروف ألمت به سوي كانت سعيدة او حزينة والظروف دي بتجبرنا في أحيان كثيرة من الابتعاد عن المنتدى...فمن حقنا علي من ينوي الغياب أن يخبرنا بسبب غيابه لأننا في الأول والاخير أهل وابناء منطقه واحدة...فمثلأ البمر بظروف ما امتحانات او عمل او سفر...او البمر بظروف عاطفية (شاكوش وكده) ههههه حمانا الله وإياكم من الشواكيش وعقباته...المهم كل واحد يوضح لينا سبب غيابه...يكتب فنعلم...
وقلوبنا تدعو له بالتوفيق وأن يعود الينا قريباً والله يحفظه ويرعاه...وإذا تأخر نسأل عنه...وإذا محتاج لمساعدة نساعده ونحن جاهزين والحمد لله...ومن أراد ان يسأل عن أي من الاعضاء الغائبين فهنا يسأل...ولا يبخل علينا بالإجابة من لديه علم...
والله من وراء القصد...​

 

[محمد البرنس]

أبدا أنا بالسوال والبحث عن الاخوة الاعزاء...
الحبيب معتز الحمدنالابي وسفيان ودالمقابلي وأمير المنتدي حماده عبد الرحمن بخيت... أين اختفى هولا الرائعون...نرجو من لديه علم ان لايبخل علينا...​

 

[أسامة شيخ إدريس]

أنا أفتقد بشدة أخونا معتز الحمدنالابى وأسألة يا معتز عل المانع خير
غيابك شفقنا ...وزعلنا منك أرجو التوضيح عشان لو زعلان مننا نرضيك ولو مشغول نعذرك
يا معتز تعال راجع انت نوارة المنتدى

 

[احمد الحبر]

مشكور يا برنس يا ملك الروعه على هذا البوست الأسري والذي اعتبره بوست مواصلة الارحام ..
بالنسبة للاخ معتز .. نحول الأمر الى امير الشرقية صديق (رغم أنه ذكر الاسباب سابقاً لكن نرجو توثيقها في هذا الملف ) .. وكذلك ملف الأخ سفيان عمر المقابلي نحوله أيضاً لسمو الأمير ..
بالنسبة للاخ حماده بخيت فهو مشغول بالانتخابات وسيعود أقوى بعد نهايتها ..
وبدوري أسأل عن الاخوة الاحباء : يوسف حسن يوسف .. محمد صلاح العمده ..

 

[معتصم شرف الدين]

والله فيك الخير يا برنس فعلا اخوة اعزاء كانوا بيننا فافتقدناهم
نأمل ان يعودوا وسوف يعودوا بلا شك الى موطنهم الصغير منتدى العيلفون.

 

[تامرازهرى الصديق خير]

فكرة روعة يابرنس ياروعة دائما تأتى بالمفيد والجميل لك كل التحية والتجلة
اريد ان اسأل عن من لديه خبر عن عبدالقادر فاروق عبدالمطلب اين انت ياخال ؟

 

[بنت الدويخلة]

شكرا على هذا البوست ...
انا اسال عن الاخت umomar فكانت دائما تاتى بالمفيد والجميل عسى ان تكونى بخير

 

[عمر العاقب يوسف محمد احمد]

يا ود عمي - القاسم السر - نزلتا صورة فريق نادي الامل وين ما لاقيها

 

[رحاب الشايب]

مرحب الاخ تامر بخصوص الاخ عبد القادر فاروق فهو في تمام الصحة والعافية بس نسبة لظروف سفره من هولندا لبريطانيا فهو بعيد عن المنتدي

 

[farahabi]

( جابر العثرات / مرتضى دعوب / ياسر حسن السر / ودالشيخ / ود الشيخ ( الكسمبر )/ معتز الحمد / السر الجيلى / الصادق الأمين النص / الطيب الجعلى / أم أميرة / بت أبو فركة / فلة / مصطفى الطيب / معظم شباب هولندا / رائد المنتدى يوسف حسن يوسف / الأستاذ الحبر عبد المطلب / القيصر / عبد الملك حسن الإمام / بكرى سليمان مصطفى / ود المقابلى / محمد صلاح العمده !!!!! / أحمد الفاتح / كرم الله / د. عبد الله حديربى/ أحمد الجيلان / محمد حسين حميد / أبو البنات / مشاكس / سبحة /حماده بخيت / أسامة قيامة !!!!/ شبك /
بوست تواصل لا يقل جمالا عن كبسولة اليوم يابرنس على الإدارة تفقد الرعية مع التحية

 

[تامرازهرى الصديق خير]

تحياتى للجميع بس وين عميد المنتدى العم ابومازن له قرابت الاربعة ايام ماظاهر ان شاء الله المانع خير،،،
له التجلة واتمنى ان يكون بصحة جيدة .

 

[مهدى سعد احمد]

السلام عليكم ورحمة الله تعالى وبركاته

والله فكرة رائعة جدا جدا يابرنس وربنا يديك العافية

عاوز اسال من صديق عزيز وغالى ، هو يمكن ما شارك فى المنتدى
لكن ارجو من الاخوة كل من يعرف اى معلومة عنه او رقم جوال
ان يخبرنى ، لانه يكون جمع بين صديقين افترقا منذ سنين

هو ’’ صديقى واخى / جعفر الشيخ ادريس [ عكاشة ]

 

[عبدالوهاب الطاهر]

اسم علي مسمي برنس احسدك علي الفكرة الحلوة فعلا نحن اهل واخوان وواجب ان نفقد بعض مشكور يا برنس

 

[دلال سيد الامين]

:bsm:​

أخوتى وأخواتى الاعزاء سلام الله عليكم...
قد يغيب الواحد فينا بسبب ظروف ألمت به سوي كانت سعيدة او حزينة والظروف دي بتجبرنا في أحيان كثيرة من الابتعاد عن المنتدى...فمن حقنا علي من ينوي الغياب أن يخبرنا بسبب غيابه لأننا في الأول والاخير أهل وابناء منطقه واحدة...فمثلأ البمر بظروف ما امتحانات او عمل او سفر...او البمر بظروف عاطفية (شاكوش وكده) ههههه حمانا الله وإياكم من الشواكيش وعقباته...المهم كل واحد يوضح لينا سبب غيابه...يكتب فنعلم...
وقلوبنا تدعو له بالتوفيق وأن يعود الينا قريباً والله يحفظه ويرعاه...وإذا تأخر نسأل عنه...وإذا محتاج لمساعدة نساعده ونحن جاهزين والحمد لله...ومن أراد ان يسأل عن أي من الاعضاء الغائبين فهنا يسأل...ولا يبخل علينا بالإجابة من لديه علم...
والله من وراء القصد...​

جزاك الله الف خير والله اوافقك علي هذا الكلام الذي لايتفوه به الا انسان بمعني الكلمة فلك الشكر علي صلة الرحم والله يوفقك اختك في الله

 

[عائشة الفاتح]

عوداً حميداً معتز . .

سلاماااااات . .
شايفة الأخ معتز الحمدنالابي ظهر أسي , , ويييييينك إختفيت إن شاءالله المانع خير ؟؟؟ يعني نحن دخلنا المنتدى بي جاي إنت طلعت بي جاي خليتو لينا ولا شنو ؟؟؟؟
عوداً حميداً . .

 

[الصديق السر]

بشري لمن يعثر علي بشري

طوريتك في الطين مرمية
طوريتك يابسه ومجدوعة
لافوتك كانت محريه
ولا غيبتك كانت مبلوعه
سالين عنك يوماتي رحيل
لمواني المدن النفطية

ونسال عنك لا هدات جراح العمر
ولا في رحلة السنوات
ماتت جذوة الشوق العنيد

ابحثو معي اخوتي
عن العضو النشط
صاحب البوستات الرائعة والتعاليق الاجمل
ومبدع المساجلات والجدعات
وملك المسادير
انه بشري مبارك ادريس
الذي اختفي عن الكتابة منذ زمن بعيد
وكان يدخل ويتاوق لينا بس من غير تعليق
والان حتي المتاوقه خلاها
ياناس المانيا ادونا خبر عنه
ويابرنس شد السلك ليهو
بشرى مبارك ادريس

آخر نشاط: 21-02-2010 06:32 PM

 

[عائشة الفاتح]

سلامااااااااات , ,
و الله من قبيل و أنا ناوية أنزل موضوع الليلة أسأل عن العم بشرى , لكن الأخ صديق سبقني :dn2:
بعيداً عن المسادير ( لأني صراحة ما بعرف ليها ) بقول ليك بي لغتي البسيطة :
وييييييييينك يا عم بشرى , فقدناك و الله , إن شاء الله المانع خير ؟

 

[أسامة شيخ إدريس]

أخونا بشرى ...الشاعر الجميل وصاحب المسادير الفنانه
انت بعيد ومشغول ويمكن زعلان منناونحن مشتاقين
دى يحلوها كيف
ترسل مسدار من بيرمنجهام الى جنة عدن وتوضح اية اسباب غيابك
لو زعلان بنراضيك
ولو مشغول بنسامحك
اما بعيد دى فما عذر ليك
اها يا بشرى ...نصالحك بى مسدار ولا شنو

 

[ابومازن]

فعلا غاب بشرى ولسفرياتي الكثيرة لم الآحظ غيابه هذه المدة ,, اكيد جنابو زعلان سافر وارتحل إلى ميناء آخر ,, لو طل وقال عايز مساديرو ما ترجعوها له هههههه الغالي بشرى ربما يكون مشغول بالإنتخابات أو ترشح مثل البرنس ,, الغائب عذرو معاهو لكن نحن بنقول ليه ,,,
جنابو , إرجع لي ديارنا وغرد ,,,
وأملأ سمانا الصافي تفرد ,,,
مادين إيدينا,, منتظرنك ما تتردد
فارشين الأرض زهور وزمرجد

ده مسدار علشانك يا بشرى ,, تحياتي

 

[تامرازهرى الصديق خير]

ياجماعة الخير وين صاحب البوست صاحب القلم الجميل ان شاء الله يكون بخير والمانع خير
اخر نشاط : 2/3/010
نتمنى العوده الحميده يابرنس