الثورة مادام فينا حيّة
ولسّه في بالنا المواكب ..
مافي سلطة بتمشي أصلاً
تاني عكس خطى المطالِب ..
المطر ما طالا بنزل
وطالما النيل لسّه جاري ..
العشم من حيلنا ينزل
فوق عشم حيل الطواري ..
والبعيد في الغُربة يرجع
لما تخضرّه الصحاري ..
لامريض مالاقي عافية
ولافي شافع ماهو قاري ..
البلد بتشيلنا لمن
نبقى حافظين لي وساعه ..
لما نبقى في خط هُجومه
وما نفرِّط في دِفاعه ..
يوم تضيق بالشّر علينا
النبقى مليانين قناعه ..
إنو باكر حالنا أفضل
لما ننهض بالزراعة ..
النِزاع لبلدنا أصلاً
لا هو مُجدي ولا هو نافع ..
بالحقوق يوم صوتنا يعلا
بنخرِس ألسِنة المدافع ..
السلام وكتين يضُمنا
خيرو يظهر في المصانع ..
وبالتعايش مافي حُقره
ولا في مخلوق جِنسو ضايع ..
البلد ولدتنا كُلنا
كيف بنرضى الأم تعاني ؟
والبسيبه مريضه يرحل
دا الجنا العاق الأناني ..
البلد تتعافى لمن
تأكل الحُب والتفاني ..
وتشرب العدل البرجِّع
أي حق لي سيدو تاني ..
يا سلام لمن بلدنا
نشيله فوق رأسنا وضُراعنا ..
ومن جِباله نشيل ثباتنا
ومن ترابه نشيل متاعنا ..
من سماحة نيله نحمِل
زاد تواصلنا وطِباعنا ..
ونبقى كُتله عشان نصونا
وما نضوِّقه مُر صِراعنا ..
ولسّه في بالنا المواكب ..
مافي سلطة بتمشي أصلاً
تاني عكس خطى المطالِب ..
المطر ما طالا بنزل
وطالما النيل لسّه جاري ..
العشم من حيلنا ينزل
فوق عشم حيل الطواري ..
والبعيد في الغُربة يرجع
لما تخضرّه الصحاري ..
لامريض مالاقي عافية
ولافي شافع ماهو قاري ..
البلد بتشيلنا لمن
نبقى حافظين لي وساعه ..
لما نبقى في خط هُجومه
وما نفرِّط في دِفاعه ..
يوم تضيق بالشّر علينا
النبقى مليانين قناعه ..
إنو باكر حالنا أفضل
لما ننهض بالزراعة ..
النِزاع لبلدنا أصلاً
لا هو مُجدي ولا هو نافع ..
بالحقوق يوم صوتنا يعلا
بنخرِس ألسِنة المدافع ..
السلام وكتين يضُمنا
خيرو يظهر في المصانع ..
وبالتعايش مافي حُقره
ولا في مخلوق جِنسو ضايع ..
البلد ولدتنا كُلنا
كيف بنرضى الأم تعاني ؟
والبسيبه مريضه يرحل
دا الجنا العاق الأناني ..
البلد تتعافى لمن
تأكل الحُب والتفاني ..
وتشرب العدل البرجِّع
أي حق لي سيدو تاني ..
يا سلام لمن بلدنا
نشيله فوق رأسنا وضُراعنا ..
ومن جِباله نشيل ثباتنا
ومن ترابه نشيل متاعنا ..
من سماحة نيله نحمِل
زاد تواصلنا وطِباعنا ..
ونبقى كُتله عشان نصونا
وما نضوِّقه مُر صِراعنا ..