بس يا دكتوره شغلتك كلها حوادث حوداث ههههههههههههه
مره قولي كنت في عنبر 7 نجوم عشان شوية الناس تطمئن تقول السودان فيه عافيه
حالك زي حالي قريبي كان يوعظ في الناس النار النار النار وقام قريبي قال ليه يا شيخ فلان انت م عندك غير النار النار لا حولاااااااااااا الجنه دي مالا عيبا لي
سلمتي نطاس يداوي الناس
وصلت الصفحة الرابعة قرأتها الصفحات حتى تعليق الشباب ،، والله يا دكتورة عشوش ودكتورة سلمى ،، بوست في غاية الروعة كثير من المواقف ابكتني ( افرح يا فرحابي اها انا بكيت ) ،، قطع قراءتي هرشة النسوان عايزات مقاضي من السوق ،، وحنتابع هذا البوست الرائع ،،
العفو دليل علي تقوي اللهبقى بيحكي لي عن الحادث و إنو أول ما
إتضرب و الناس شايلنو في ناس مشوا على بتاع العربية و بقوا ماسكينو و ناس بيشاكلوا فيه ، إتخيلوا إنو في عز الألم قال ليهم : خلوه أنا عافي ليه لوجه الله تعالى . .
بوست من أجمل ما قرأت .. أروقة المستشفى تحكي كل ما يحمله المجتمع من ألام و أحلام .. أحزان و أفراح ..
دكتورة عشوش .. كلمتين تحملان من التضاد و التناغم و الجدية و المرح ما تحمله شخصيتك الرائعه ..
جميله يا دكتوره كعادتك دوما حفظك الباري ..
صغيري ذو الخمس سنوات ، تعرفت عليه لأول مرة منذ ما يقارب الثلاث سنوات ، براءة الطفولة التي أعشقها ، و لكنته المحببة إلى نفسي و حديثه الذي لا يُمل ، كل هذه الأشياء جعلتني أحبه . .
جمعتني به الظروف حين أجريت له عملية منذ ما يقارب الثلاث سنوات ، صغيري لا يُبصر و لكنه يميزنا بالأصوات ، دكتولة عسوس ، عفلاء ، لفيدة و آخرين . .
دكتورة عشوش ( و حالياً إترقيت لعايشة ) بدل عشوش ، عفراء و رفيدة و أخرين ممن صادقوا هذا الصغير ، و أحبوه . .
يميزنا من أصواتنا ،
و يعشق الكاكاو مثلي ، إذاً بيننا أمور مُشتركة . .
منذ شهرين و نصف أخبرني والده أنه يعاني من ورم في بطنه لا يدري طبيعته ، طلبت منه إحضاره لمعاينته ، و تبين أن الورم هو طحال الصغير المُتضخم ، و بعد سلسلة فحوصات تبين أن صغيري يعاني من نوع من أنواع الأنيميا لن يُشفى منها إلا بإستئصال الطحال . .
يتبع . .
لاحقوه بالدعوات . .
عندما أخبرني الأخصائي المسؤول عن قرار العملية حزنت لحال الصغير ، سيفقد عضوا" من جسده و لكن الأمر ضروري لحياته . .
ذهبنا لتحديد مواعيد العملية في المستشفى العام :
- يا دكتورة اقرب مواعيد ????
- كيف ؟ و إنتوا ضامنين يعيش لحدي ???? ؟
- مافي طريقة اللستة مليانة ممكن تكون الأسبوع الجاي في مستشفى خاص . .
- أهم حاجة حياته و حنشوف تكاليف الخاص . .
و في المستشفى الخاص :
- تكاليف العملية كم ؟
- ???? ج . .
- كم ؟ إنتوا حتشيلوا طحاله ، بدل تدوه قروش تشيلوا منو . .
طلعت منهم مستاءة شديد ، و إتأكدت لي نظرية إنو الما عنده قروش في البلد دي و مرض حيمووووت . . صناع الحياة علمتني إنو إذا هدفك واضح القروش بتجي ، و في حالة صغيري كنت متأكدة إنو القروش حتجي ، بس كنت مستكتراها على المستشفى لأنو في رأيي الشخصي دا مبدأ تجارة ، قربت أحرد العملية في المستشفى بس حياة الصغير أهم . .
الحمدلله القروش إتوفرت في أقل من ساعة و بكرة العملية إن شاء الله . .
ملحوظة :
الأربعة مليون و حاجة ما داخل فيها فحوصات الصغير و لا علاجات ما بعد العملية . .
ملحوظة بتتأكد لي كل يوم :
الدنيا لسة بخير . .
دعواتكم للصغير . .
الحمدلله العملية نجحت و دعواتكم ليه ربنا يقومه بالسلامة . .
و جزى الله خيراً كل من سعى في علاجه و دعا و سأل عن صحته . .
دمتم بخير . .
و لاحقوه بالدعوات و ما تقيفوا . .
و لمشغوليات ، لم أتمكن من زيارة الصغير اليوم ، فجاءني صوته البريء عبر الهاتف :
إنتي وين ؟ و وين الكاكاو ؟
و الكاكاو هو الشوكلاتة التي إعتدت على أخذها معي للصغير ، و صراحة أنا بشيل لي و ليه :a26:
وعدته بزيارته في أقرب فرصة مع الكاكاو . .
و كانت دعوة الله يديك العافية من فاه الصغير كافية بأن ترسم الإبتسامة . .
يديك العافية صغيري . .
و لاحقوه بالدعوات . .
يا سلااااااام وصلتنا شوكولا أنا و الصغير من إحدى قارئات الأروقة ، كدة حأطمع و حأكتب كمية من الطلبات بإسم الصغير :a26::a26::a26:
سلمتي ، و تقبلي دعوات الصغير لكي بالعافية . .
و سلمتم جميعاً . .
و في عاشر أيام العيد جاءني صوت مريضي الصغير ذو الخمس سنوات :
- دكتولة كل ثنة و إنتي طيبة . .
- و إنت طيييب ، مالك طولت ما إتصلت علي ؟
- و الله . . . . ( يصمت و يكرر ( الحليفة ) ) و الله ما عندي رثيد . .
كم أحب ذلك الصغير
أدعو له بتمام العافية . .