دكتور صلاح حسن النور
New member
نرحب بالبروف صلاح حسن النور سوار الدهب رجل من دهب تعرفت عليه قبل حضورى للعيلفون ودلنى عليه أحد الاخوان لعلاج والدتى التى كانت تعانى من رطوبة مزمنه وتعب شديد فى المفاصل فذهبت له فى عيادته جوار مستشفى الخرطوم فى العام 1984م وكنت وقتها بجوازات مطار الخرطوم فأعتنى بها وبيد الله وعلى يديه شفيت تمام وما زالت تذكرة بالخير والدعاء وسوف أتحدث معها لكى تدعو دعوة من دعواتها السجعية أطال الله فى عمرها ، وأحيه من بيرمنجهام وأهدية هذه الابيات :
السودانى ملك الطب وفى بريطانيا فيهو اتخصص
وفاهمو وعارفو مراجعو بالحق فيهو دايماً حصص
ولو سألوه عن الهسترى ما اتلفت يشوف أوبصبص
بى توفيق الكريم وبى إيد الخبير يشفيك قبُل ما تفحص
سريع النهمة لى سودانو ما جاب الكعب ومدغمس
ومعروف لكل مريض لكل زميل بالرصين ومؤسس
وبالو طويل وخلقو أصيل ما بتلقاهو خانس وسوس
جاهر صوتو يصعب يصعب فوتو دايماً دايماً أسس
يعيد البسمه يعيد البسمه لى كل من غشاهو اتحسس
وواصلت فى المسدار التانى ويعنى ذلك يا دكتور أسعد تاج الدين عليك تجيب مسدارين تحل الدين بعد داك أواصل معاك وعارفك جابدك أبوك تاج الدين العباس صاحب الشعر الرصين وأكان غلبك شىء أستعين بالله وبى أبوك مابقصّر خاصه حديثه السمين البنقط دهن !!!
سريع النهمة لى سودانو ما جاب الكعب ومدغمس
ومعروف لكل مريض لكل زميل بالرصين ومؤسس
وبالو طويل وخلقو أصيل ما بتلقاهو خانس وسوس
جاهر صوتو يصعب يصعب فوتو دايماً دايماً أسس
يعيد البسمه يعيد البسمه لى كل من غشاهو اتحسس
أرجو من الاخ أسعد تاج الدين العباس توصل هذه المسادير لكل الاطباء الذين يعرفهم فى بريطانيا وإيرلندا والسودان والسعودية وفى كل أنحاء العالم ويا حبذا لو تمت الترجمة الى عده لغات ولنبدأ باللغة الانجليزية ومثل ما ذكرت نريد لهذا الشعر والمسادير أن تتواصل مثلها وبحوث الطب وأنواع العلاج للامراض والذى يتم إكتشافة كل يوم ، أيضاً طلب خاص منى للاخ أسعد أن يوصل الموضوع وبعنوان المنتدى(منتدى أبناء السقاى ) لكل الذين حضروا بالامس السبت 29 يناير فى شقة الاخ الدكتور حاتم عبدالله الكردى وبدورى سوف أخبر الاطباء فى برمنجهام وخليتكم عافيه الاطباء الاعزاء ولنا عودة بل وعودات .
أخي الفاضل،لك شكري و تقديري وأسأل الله أن يجمع الشمل في رحاب السودان .أبعث بتحياتي للأخوان ببيرمنجهام.