كل يوم نكتة جديدة

[عبده المشقلوني]

اخوانى عاوزين نضحك مع كل
يوم نكتة
واحد من اهل العوض
دخل الجامع اصلى قام لقا واحد
بصلى وقف جنبو وقام اصلى حضر
عسكرى فى الجوازات اصلى فقام
سحب اخونا لورا اخونا شاف العسكرى اعتقد انو جاى امسكو
فقطع الصلاة وقال يا فكيك :hhheeeart4:هههههههههه

 

[ودريا]

اضحك الله سنك اخي عبدو
قاليك مسطول دخل الحله بالليل فنبحت فيه الكلاب قام دنقر يشيل ليهو حجر من نوع المثبت في الواطه داك فغلبوا يقلع الحجر قال:
ناس الحله ديل جنوا ولا شنو يربطوا الحجر ويطلقوا الكلاب !!!

 

[عبده المشقلوني]

كل يوم نكتة

:kkakk:نكتت اليوم تقول احد المدرسين
نقلو مدرسة فى الغرب اول مادخل
الفصل قام اسئل الطلبة عن اسمن

كل واحد اقول اسمو ادم المدرس
قال الاسمو ماادم ارفع ايدو كل الفصل
سكت الا واحد رفع ايدو
قاليو انتا اسمك منو قال ادمو هههه

 

[الصادق عثمان الطيب]

في واحد معاه ارنب عايز يبيعه جاه واحد مسطول وقال له بكم القرد ؟ رد عليه .. ياخي دا أرنب ما قرد .. قال ليه المسطول يابو الشباب أنا سألت الأرنب ماسألتك.....

 

[عبده المشقلوني]

واحد مسطول طلع فى القبة وقال مابنزل جاء واحد مسطول اكثرمنو
فى ايدو ابرة قاليو تنزل ولا انفسا

 

[هاشم عبد الكريم]

دخل احدهم مطعما وعلق معطفه ووضع عليه ورقة كتب فيها:
هذا المعطف خاص ببطل الملاكمة وسيعود بعد عشر دقائق
ولما عاد لم يجد المعطف ورأى مكانه ورقة كتب فيها:
اخذ المعطف بطل الجري ولن يعود ابدا......!

 

[ودريا]

قال ليك واحد من جماعة البحر اتصل علي ناس المطافي
الو : ناس المطافي ؟
ايوة معاك .. عندك شنو ؟
الو : عندي ولدين وبت
لالا قصدنا انت اتصلت عاوز شنو ؟
الو : لالا قلنا نطمئن عليكم عشان ما تقولوا مابنضرب ليكم الا وكت الحارة !!!

 

[ودريا]

رباطاب شايلين ليهم زول تعبان مودنو المستشفى لاقهم واحد قال ليهم خير يا
جماعة ان شاء الله عوجة مافي قالو ليهو خير بس فلان دا عيان شوية اها وهسي
مودنو وين؟
العيان رفع راسو وقال ليهو مودني الطاحونة

 

[ودريا]

الحرامي فتش البيت تحت فوق مالقي اي شيء يسرقوا .!!!
دخل المطبخ لقي ليك باقي بسكويت وشوية بيبسي ، مرق في الحوش لقي ليك المرا سمييييينة ونائمة تشخر ، طراخ طاخ ادها كف .
قال : ليها السويتيهو في جضومك دا كان دقيتي ليك في دهب ما كان اخير ؟!!:lolesh:

 

[محمد خلف الله حسن الاسطي]

بنت صغيرة بتسأل ابوها المسطول: بابا كيف بدأ الخلق؟
جاوبها: الله خلق آدم وحواء وتزوجوا وجابوا اولاد وبنات وبدأت قصة الخلق.

سألت امها نفس السؤال ...ردت عليها : الإنسان اصله قرد وتطور وصار انسان،
رجعت لأبوها : بابا انت بتعلمني غلط؟؟؟؟؟؟ ماما بتقول الإنسان اصله قرد و تطور وصار يشبه الإنسان،

الاب المسطول : حبيبتي انا بحكي ليك عن اهلي ماخصاني ب عائلة امك

 

[محمد خلف الله حسن الاسطي]

-سواق تاكسي راكبه معاه حاجه كبيره كل دقيقتين تديه فول مدمس
استغرب وسالها:يا حاجه الفول الطاعم ده بتجيبيه من وين
قالت:يا ولدي دي حلاوه مولد
عشان ماعندي شنون بمص الحلاوه وبديك الفول المدمش

 

[عبدالله التيت]

مسطول حاقد اتصل بالاذاعه سالوه تهدي شنو للناس الصيامه بمناسبة شهر رمضان قال اغنية يازمن وقف شويه

 

[عبدالله التيت]

جعلي سألُوهو عن الغُربه كيف؟
قال والله الغربه شِدة ما حاره!
تلاقي الشايقي في الشارع تسلم عليهو

 

[عبدالله التيت]

جنوبي ركب مواصلات الكلاكله شابك الناس ( ادم بتاع الدكان وقع )و يكورك ( ادم بتاع الدكان وقع ) الحافله ماشه وماف زول شغال بيهو وهو لسه بكورك ( ادم بتاع الدكان وقع )

السواق زعل شدييد وقبل عليهو
يازول نحنا مالنا ومال ادم والدكان
ماتنبح فينا
واتاري صاحبنا الجنوبي كان قاصد
( عادم الدخان وقع )

 

[عبدالله التيت]

في ????? ?? ??????? ??? ?????
??و?? ??? ????
???? ????: ???رصار
?????? ???? ?????? ???? ???? ???؟
??????: ????? ?? ?????
??????: ???? ????? ???? ???????? ????
???؟
??? ?? ???? ????? ??? ????? ????؟
???? ????: ???????
??????: ???? ?? ???? ???? ???? ????
???؟
??????: ????? ?? ?????
??????: ???? ????? ???? ?????????
???? ???؟
??? ????? ??? ????
???? ????: ????? ?? ?????
??????: ????? ???? ????? ???????؟
??? ???? ???? ??? ?????? ??
??????? ؟
??????: ???? ???? ???? ??????????
?????? !!
??????: ????? ????? ?? ???? .. ????
????? ?????
??? ????? ?? ??? ???? ??ية ????

 

[محمد جعفر]

حفصه دخلت الجامعة وقعدت مع ولد حنكوش ،
قام سألها وقال ليها :
انتي بتحبي اسير الغرام ؟
ولا اسير الصمت ؟
ولا اسير الكلام ؟
قالت ليهو والله ديل كلهم ما بعرفم ،
لكن بموت في اسير الجوافة .. :ANSmile32:

 

[محمد جعفر]

?????? : ??? ?????
??????? : ?? ????
?????? : ????? ?? ???? ?? ????? ؟
??????? : ?????...
??????: ? ??? ?????? ?? ؟
??????? : 3,000 ?
?????? : ? ??? ?? ????? ؟
??????? : 15 ???
?????? : ???? ??? ????? 6,000 ? ?? ????? ??? ???????
???? 180,000 ? ?? ?????
???? ??? ???? ?? 15 ??? 32,400,000 ? ??? ??????? !!!
???? ??? ??? ???? ???? ????? .
??????? : ??? ????? ؟
????لي : ?
??????? : ??? ???? ??????? ????? ؟؟؟

:kak:

 

[عبدالله التيت]

رباطابي اكرم ضيفة بصحن من التمر , كان الضيف يختار التمرالجيد من الصحن وياكل ,حتى أكل جميع ما في الصحن
الرباطابى قال لية : انت وكت داير تاكل الصحن كلو بتعزل مالك

 

[عبدالله التيت]

مسطول معلق جلابيتو في الشماعه قامت وقعت قال الحمدلله الماكنت جواها

 

[عبدالله التيت]

-ممرض خواف بحب واحدة كل ما يقول يتكلم معاها يخاف يوم جات المستشفى لأنها عيانه وما قدر يقول ليها حاجة وصرف ليها حبوب بعد ما قامت ماشه قال ليها: يا بت ابلعيهم بي موية.