ود الرضي - مرثية الشيخ أحمد أبو سُنَ

[محمد عبد الرحمن السر]

مرثية الشيخ أحمد أبو سُنَ​

خَبَرْ الشُّومْ عَلِينَا الرَادِى جَابُو اللَّيلُه
أفْقَدْنِى الوَعِى وفَاقْدَه القَبِيلَه دَلَّيلَه
كَانْ أخُو الفَضِيلَه الحُرْمَه يَرْوِى غَلِيلُه
سَمُوحاً إذَا عَطَى يَرَى الكَتِيرَه قَلِيلُه​

حَلِيمْ فِى نَاسُو حَكِيمْ أحْمَدْ ذِكِرْتُه جَلِيلَه
كَمْ طَوّقْ رُقَابْ نَاساً عِظَامْ بَجَمِيلَه
يَضْحَكْ للعَشِيمْ قَامْتُه البَهَّيَة يَمِيلَه
كَمْ مَسَحْ دِمُوعْ وَاقِفْ بَينْ زَمِيلْ وزَمِيلَه​

الشُّكْرِيَة كَانْ أحْمَدْ شَمْسَهَا وإكْلِيلُه
مَا أغْتَرَّ بَالحُكَمْ أيَّامْ حَيَاتُو جَلِيلَه
رَؤوفْ لَى غَلْطَة المِسْكِينْ نَظْرَتُو كَلِيلَه
يَرَىْ مُحَمَّدْ أخُوه أبُوه المِتْلُو وَينْ اللَّيلَه​

مَعَ إنُّه المُقْتَدِرْ كَانْ النَّدَامِى يَقِيلَه
مُصَحِبْ للصَّمَمْ مِنْ قُولْ قَالَ وقِيلَ
نَزِيَه فِى حَيَاتُو كَانْ التَّافْهَة مَا بَصْغِى لَه
وفِى الجَّلَلْ المَهِيلْ كَانْتَ حِزْمَتُو تَقِيلَه​

الرَّاعِى الوَاعِى كَانْ حَاجَاتْ الوَلايَا بِزِيلَه
نَفْسُه الطَّاهْرَه مَا كَانْ سَوَّلَتْ لُو رَزِيلَه
سَاحْتُه الرَّحْبَه يَشْعُرْ بَالسَّعَادَه نَزِيلَه
كَانْ سُوحَو الخَرِيفْ لَى كُلْ عَاجْزَه هَزِيلَه​

 

[احمد الحبر]

هييييييييييييع
أبشر بالخير ..