محمد عبد المطلب محمد
Active member
رحم الله شاعرنا الجاغريو
هل كان الاستعراض مقصود لذاته ام ان القافية ساقتهم سوقاً له ....اعتقد في كلا الحالتين هو خصماً علي الشاعروإستعرضوا ثقافتهم المستمدة من أفلام السينما والجاغريو أخذ لقبه من تلك الثقافة !
لكن لسه لال ما عرفنا معناها .
يا رائع
جفيتني وأنا ضايع
تعال ليّ
******
الخدّو لال .. تعال ليّ
دقائق قلال .. تعال ليّ
معنى الدلال .. تعال ليّ
والحب حلال .. تعال ليّ
******
ناير الخدود .. تعال ليّ
سيب الصدود .. تعال ليّ
خلّيك ودود .. تعال ليّ
بجيك في الحدود .. تعال ليّ
******
الما شاف صروح .. تعال ليّ
أشفي الجروح .. تعال ليّ
أنا ليّ روح .. تعال ليّ
قبّـــال تروح .. تعال ليّ
******
منعني الجوى .. تعال ليّ
وشوفتك دوا .. تعال ليّ
عارف الهوى .. تعال ليّ
الأرواح سوا .. تعال ليّ
******
الفي الشروق .. تعال ليّ
أنا ما بروق .. تعال ليّ
أنا ما بروق .. تعال ليّ
وبس من بروق .. تعال ليّ
******
يا مزدهر .. تعال ليّ
زينة الدهر .. تعال ليّ
في شاطي النهر .. تعال ليّ
نعدّي البحر .. تعال ليّ
******
ظبي الحقول .. تعال ليّ
وسوّي الأصول .. تعال ليّ
زين الفصول .. تعال ليّ
يا الزرتا الرسول .. تعال ليّ
******