الغنا في غير خشم سيدو..

[تماضر]

معظمنا مع المقولة البتقول انو الغنا سمح في خشم سيدو
طيب انا في الغالب بكون مع المقولة بس في تجارب بتجبر الزول انو ينظر ليها بإعجاب وفي البخربوا الغنية علي أهلها..
في تجارب لشباب حاولوا يدخلوا اضافات على أغاني بمحاولة توزيعها بصورة جديدة أو بتزيينها بعُرب لم يغنيها فنانها أو غنوها بنفس الطريقة بس أبدعوا فيها ..
قد نكون متعصبين لفكرة انو الغنا القديم ما يتهبش بس كدي اسمعوا وأدوني رأيكم ..

 

[تماضر]

https://www.youtube.com/watch?v=5EujbiRCkgQ

 

[تماضر]

https://www.youtube.com/watch?v=sf-AIEgCuec

 

[تماضر]

https://www.youtube.com/watch?v=L275OAeEB0c

 

[محمد عبد المطلب محمد]

شوفي يا زولة بقولوا ...حب الناس مذاهب...وحقيقة هناك عدة عوامل تجعلك تحب الأغنية بصوت معين....الآن هناك من يعتقد ان الأغنية المعينة هي لفنان معين ذي فرفور مثلا أو محمود وهي في الأصل لفنان صاحب حق أصيل ...ولكن ربما يكون أول ما سمعها سمعها عند هؤلاء.....ودا موضوع طويل و معقد....
يا جميل يا سادة بالنسبة لي عند ابو داوؤد يا بلاش

 

[محمد عبد المطلب محمد]

حتي لا نعتقد أن الموضوع هو مجرد ارتباط بالقديم فقط ارسل لي أحدهم قبل قليل طلع البدر علينا بصوت سيدة الغناء العربي وكوكب الشرق ...لكن المقطع لم يعجبني ونقدته بشدة...واذا رفعتم الفيديو هنا سوف أوضح لكم ما يعيبه في نظري

 

[محمد عبد المطلب محمد]

الود سامي عز الدين دا زي سامي عز الدين داك....طبعا هنا صاحبة البوست خارج الشبكة ...لكن ممكن احمر الحبر يدخلك الشبكة.....
يا ود الحبر التاني البوست دا ما حقك.....
تحياتي للجميع

 

[احمد الحبر]

انا معاهم الاتنين لكن ليس في كل الاغاني ..

+

سامي عزالدين ضروري في التمرين .. صوته جميل لكن أغنية يا جميل يا سادة خلى جميل في حته وساده في حته تانية .. من وجهة نظري لم يوفق فيها بالاضافة الى أن اللونية او الموسيقى التي اختارها لهذه الاغنية زادت الطين بله ..

​

 

[احمد الحبر]

حتي لا نعتقد أن الموضوع هو مجرد ارتباط بالقديم فقط ارسل لي أحدهم قبل قليل طلع البدر علينا بصوت سيدة الغناء العربي وكوكب الشرق ...لكن المقطع لم يعجبني ونقدته بشدة...واذا رفعتم الفيديو هنا سوف أوضح لكم ما يعيبه في نظري

https://www.youtube.com/watch?v=nQX9-cPUGVA

​

​

 

[احمد الحبر]

الود سامي عز الدين دا زي سامي عز الدين داك....طبعا هنا صاحبة البوست خارج الشبكة ...لكن ممكن احمر الحبر يدخلك الشبكة.....
يا ود الحبر التاني البوست دا ما حقك.....
تحياتي للجميع

سامي داك ما بتلحق (الله يرحمه ) .. ونحن عشان الاسم قلنا نسمع ليهو لكن مرات عندو (فلفسه) كدا بعرفها براهو ..

+

يا مهند تعال أرفد واردم البوست وصاحبت البوست :dn3::5d5l-com-c12:..

 

[تماضر]

يا خوانا ما تفهموني معاكم انا كده طشيت

 

[تماضر]

سامي عزالدين ضروري في التمرين .. صوته جميل لكن أغنية يا جميل يا سادة خلى جميل في حته وساده في حته تانية .. من وجهة نظري لم يوفق فيها بالاضافة الى أن اللونية او الموسيقى التي اختارها لهذه الاغنية زادت الطين بله ..

​

أحمد الحبر انت ياخوي حوصت ده ما سامي :ANSmile03:

 

[تماضر]

شوفي يا زولة بقولوا ...حب الناس مذاهب...وحقيقة هناك عدة عوامل تجعلك تحب الأغنية بصوت معين....الآن هناك من يعتقد ان الأغنية المعينة هي لفنان معين ذي فرفور مثلا أو محمود وهي في الأصل لفنان صاحب حق أصيل ...ولكن ربما يكون أول ما سمعها سمعها عند هؤلاء.....ودا موضوع طويل و معقد....
يا جميل يا سادة بالنسبة لي عند ابو داوؤد يا بلاش

طيب خلينا نتفق على حاجه
اننا ما نقارن بي انو الأفضلية لي منو
بس ندي نفسنا فرصة نسمع لاجتهادات الشباب الجداد ديل
ممكن الطريقتين يكونوا جميلات البيمنع شنو

 

[تماضر]

من زماااان عندي تعصب لمصطفى سيد أحمد وبقول دائما انو أغانيه دي ما في زول بيقدر يجيبها
بس شفت الزول الحأجيبو ليكم ده عجبني أداءه جددددا
وطبعا ما حأقول انو أداها بصورة أفضل من مصطفى بس بطريقة مختلفة وجميلة في نفس الوقت
شنو المانع

 

[تماضر]

https://www.youtube.com/watch?v=VBD44abzy80

 

[تماضر]

يا جماعة أغانينا القديمة دي مافي أجمل منها واعادة توزيعها وانتاجها بطريقة جديدة بيساعد في انو الأغاني دي ما تموت وتخلي الأجيال الجاية المغرمة بالغنا الغربي انها تعجب بي غنانا السمح القديم ..

 

[تماضر]

https://www.youtube.com/watch?v=vbd44abzy80

الزول ده عزفه خطير ياخ

 

[ودمانديد]

الزول دا يا تماضر بقول في كلام زمان بأدوات اليوم

يعني بحاول يوصل كلام زمان للجيل الحالي بالطريقة البتناسب مع الجيل دا

كعزف ماهر وفنان لكن بالنسبة لي انا شوه الاغنية سواء كان من ناحية صول ولا تون ونوت ولحن

بس محاولة جيدة

بالجنبة: لا يغني أغاني مصطفى إلا مصطفى

حتى محاولات التقليد لصوته كانت عندي بلاطعم أداء مصطفى يعتمد على الاحساس وايصال الكلمة واللحن بالطريقة التي لا يجاريه فيها احد

كلما تسمعي أغنية لمصطفى تسمعيها باحساس مختلف

الكلام كتير والله لكن مصطفى حقو براهو بقطع ويلحم ونحن نصاب بالدهشة

من يستطيع أن يجعل من قصيدة عم عبد الرحيم أو سيناريو اليابسة تصل للناس بالأذن، في هذا الزمن لا اعتقد هنالك من لديه الموهبة لجعل هذا ممكن

كل الفنانين الحاليين عبارة عن ببغاوات تردد كلام الاخرين

ارقدي عافية

 

[تماضر]

الزول دا يا تماضر بقول في كلام زمان بأدوات اليوم

يعني بحاول يوصل كلام زمان للجيل الحالي بالطريقة البتناسب مع الجيل دا

كعزف ماهر وفنان لكن بالنسبة لي انا شوه الاغنية سواء كان من ناحية صول ولا تون ونوت ولحن

بس محاولة جيدة

بالجنبة: لا يغني أغاني مصطفى إلا مصطفى

حتى محاولات التقليد لصوته كانت عندي بلاطعم أداء مصطفى يعتمد على الاحساس وايصال الكلمة واللحن بالطريقة التي لا يجاريه فيها احد

كلما تسمعي أغنية لمصطفى تسمعيها باحساس مختلف

الكلام كتير والله لكن مصطفى حقو براهو بقطع ويلحم ونحن نصاب بالدهشة

من يستطيع أن يجعل من قصيدة عم عبد الرحيم أو سيناريو اليابسة تصل للناس بالأذن، في هذا الزمن لا اعتقد هنالك من لديه الموهبة لجعل هذا ممكن

كل الفنانين الحاليين عبارة عن ببغاوات تردد كلام الاخرين

ارقدي عافية

متفقة معاك تماما
لا يغني غنا مصطفى إلا مصطفى
بس الزول اجتهد
و لأنو اصلا المرتقى اصلا صعب جدا فده بيخلينا نقيم التجربة بأنها محاولة جيدة جدا والعجبني انو غنى الأغنية بطريقته ما حاول يقلد مصطفى لأنو مصطفى ما بتقلد
الحاجه العجبتني شديد كمان انو في حتات بيلعب فيها بي صوته بطريقة جميلة جدا ..

 

[احمد الحبر]

يا بت الناس انت بتجيبي اسامي الفنانين ديل من وين ؟!!!!!!