ما أعتقد إنو المشكلة في هل الزول بيغني الأغنية أحسن من صاحبها ولا لأ بقدر ما هو محاولة تجديد للأغنية عشان تتماشى مع الزمن الحالي ..
الإبداع أصلاً بيكون في إيجاد الأغنية من عدم .. إختيار الكلمات و الألحان و إجادة الأداء ..
كل البيعملوهو الناس البيأدوها من بعدهم يا إما تقليد أو تعديل في التوزيع و ده ما فيهو مشكلة كبيرة ..
لو بنتعصب فعلاً للأصل كان نكون لسه معلقين مع ناس ككن كش ككن كش
أغاني كتيرة الناس نست صاحبها الأول و مرات بنكون ما بنعرفو أصلاً ..
الزول اللي غنى الحزن النبيل دي أبدع في العزف جداً جداً و عندو إمكانيات صوتية كويسة جداً ..
هو ما أظن زول يجي و يغني لمصطفى بالذات واحدة من أغانيهو و يأديها أحسن منو .. ولا قريب منو .. الفنان اللي بيضيف إحساس لأغانيهو صعب جداً يجي زول يقلدو او يأديها أحسن منو ..
السودان بقت فيهو مشكلة كلمات و ألحان عشان كده الناس رجعت تجدد القديم .. بعضهم نجح نسبياً و البقية فشلو ..
و كمان في أجانب حاولو يعملو نفس الشئ و كان ليهم النصيب برضو من النجاح و الفشل ..
الحبش ما قصرو .. و اليهودية دي برضو أدت الأغنية كويس
بس العرب صراحة خربو اي اغنية غنوها