مذكرات سجينة ..

[عائشة الفاتح]

بالأمس أكملت تسعة أشهر بعيدة عن إبتسامة أمي . . و دفء أخوتي . . و حضن موطني . .
سأشارككم بما حدث و ما سيحدث معي إن كان في العمر بقية . .
و من يود مشاركتي في السرد لتشابه الأحداث أو الآلام فمرحباً به . .
غداً أبدأ إن شاء الله . .

 

[يحيى الشيخ إدريس الحبر]

انت يا بنيتي قد اكملت عاما دراسيا واحدا انت لا تزالين في بدايات مرض الغربة والتي اكملت فيها عامي الاربعين تقريبا فماذا يا ترى تبقى من العمر ؟ فمرحلتك هذه نسميها مرحلة الحضانة تليها مراحل اقل صعوبة . اعانك الله واحمدي ربك ان والدك معك في الغربة وقد يساعد في العلاج .

 

[محمد عبد المطلب محمد]

ننتظر هذه المذكرات
قطعاً ستكون شيقة
واظنها ستلامس مشاعر بعضنا واحساسنا بالغربة في مراحلها المختلفة
لك التحية دكتورة عائشة
وزي مابقول ود ابعركي هدييي طوبتنا

 

[احمد الحبر]

من رأيي يا دكتورة تأجلي المذكرات دي شويه لحدي ما تكملي العشره سنين الأولى في أرض الغربه !!:krkr1:

 

[عائشة الفاتح]

انت يا بنيتي قد اكملت عاما دراسيا واحدا انت لا تزالين في بدايات مرض الغربة والتي اكملت فيها عامي الاربعين تقريبا فماذا يا ترى تبقى من العمر ؟ فمرحلتك هذه نسميها مرحلة الحضانة تليها مراحل اقل صعوبة . اعانك الله واحمدي ربك ان والدك معك في الغربة وقد يساعد في العلاج .

آه يا عم يحي ربنا يعيننا و يصبرنا . .

 

[عائشة الفاتح]

ننتظر هذه المذكرات
قطعاً ستكون شيقة
واظنها ستلامس مشاعر بعضنا واحساسنا بالغربة في مراحلها المختلفة
لك التحية دكتورة عائشة
وزي مابقول ود ابعركي هدييي طوبتنا

حبابك . .

 

[عائشة الفاتح]

من رأيي يا دكتورة تأجلي المذكرات دي شويه لحدي ما تكملي العشره سنين الأولى في أرض الغربه !!:krkr1:

هههه ما ضامنة أعيش عشرة سنة . . فخليني أبدا ليكم من مرحلة الحضانة زي ما قال عم يحي . .

 

[عائشة الفاتح]

عام جديد . . أُناس جدد . .
جسدك هنا .. روحك هناك . .
الشوق للبلدة .. للأهل . . للأصدقاء . .
الشوق لهواء بلدتي المختلف . . الذي عندما أعود إليها من العاصمة أُسرع بفتح نوافذ العربة ليملأ رئتاي فتعود لي الحياة من جديد . .كم أحتاج بعضاً منه الآن . .
الشوق لإبتسامة أمي و لوصاياها لي كل صباح : عشوش إتحصني و أقري آية الكرسي . .
الشوق لأخوتي . . و لحكايانا . . و لتفاصيلنا المشتركة . .
الشوق للأهل و الحنية التي أعشقها فيهم . .
الشوق للصناع الذين إبتعدت عنهم في وقت أحتاجهم فيه . .
الشوق لأمتليء بالطحين و أعطس من الويكة و أجاهد لنظافة يداي من لون الكركدي في التعبئة الرمضانية . .
الشوق لأن أخرج من المنزل كل صباح للمركز . . ليس للعمل بل لمساعدة الأهل . .
الشوق لكل التفاصيل التي لن أجدها هنا . .

يتبع . .

 

[محمد عبد المطلب محمد]

يا مانديد شوف لينا الايقونة حقت الاعجاب

 

[احمد الحبر]

اذكر في بداية اغترابي عام 1998 .. كنت معروف بكتابة الخطابات الكثيرة والمتواصلة ..

لازم مع كل مسافر ارسل عدد كبير من الخطابات للاهل والاصدقاء ..

وفي مره كتبت 41 خطاب وسلمتهم لاحد الشباب المسافرين قال لي ادفع حق الوزن أول عشان اشيلهم ليك !! :CEDP_Stealer::CEDP_Stealer:

 

[ودمانديد]

يا مانديد شوف لينا الايقونة حقت الاعجاب

كتر الإعجابات ساي
كل الخصائص رجعت

 

[عائشة الفاتح]

سلمتم جميعاً . .

اذكر في بداية اغترابي عام 1998 .. كنت معروف بكتابة الخطابات الكثيرة والمتواصلة ..

لازم مع كل مسافر ارسل عدد كبير من الخطابات للاهل والاصدقاء ..

وفي مره كتبت 41 خطاب وسلمتهم لاحد الشباب المسافرين قال لي ادفع حق الوزن أول عشان اشيلهم ليك !! :cedp_stealer::cedp_stealer:

هههههههه ما قادرة أسكت . .
لو ما النت دا كنت عملت زييك و يمكن كنت فُتك في عدد الجوابات ههههه . .

 

[عائشة الفاتح]

المذكرات فيها تفاصيل كتيرة . . الناس الما بحبوا التفاصيل ما يتهوروا يقروها عشان ما يزهجوا . .
حذرتكم عشان ما تقولوا براية :walkman:

 

[عائشة الفاتح]

و الحياة مجازفات . .

و كانت البداية في بداية العام 2014 . . شهر يناير . .
( شُلتي ) الجامعية المكونة من أربعة أشخاص بمن فيهن أنا . . نجلس في ذاك المطعم الفاخر كجلسة ختامية لوداع إحدى أعضاء الشلة و التي ستسافر إلى لندن نسبة لقبولها للعمل بأحد المستشفيات . .
و في أثناء الجلسة تخبرني صديقتي الأخرى أنها تود السفر إلى السعودية كخطوة أولى لتحقيق بعض من طموحاتها . . و لتنفذ هذه الخطوة فقد قررت الإلتحاق بدبلوم طب الأسرة و الذي سوف يؤهلها للسفر . . وطلبت مني أن أرافقها في دراسة الدبلوم لنتشجع سوياً . . أجبتها بأن فكرة السفر آخر الأفكار التي سوف تطرأ على بالي و أنهيت الحديث . . ودعنا رفيقتنا و افترقنا . .
و بعدها بفترة هاتفتني رفيقتي تخبرني قائلة :
- عشوش عايني عشان ما تتخلعي . . أنا سجلت ليك معاي في الدبلوم . . و عشان عدد الناس كبير فحيعملوا معاينات عشان يختاروا جزء . . و أديتهم أرقامنا . . فلو اتصلوا بيك ما تتخلعي oo9o:
- إنتي جنيتي ؟ وريتك من المرة الفاتت أنا ما عايزة أدخل الدبلوم دا . . و بعدين مضغوطة في الشغل و ما عندي طريقة أجمع بين الشغل و الدبلوم في الفترة دي . . ماااا عندي فيك شغلة . . إتوكلي براك . .
- مستحيييييل أتمعط الستة شهور دي كلها براي . . ياخ انتي صحبتي على شنو لازم تكوني معاي . .

أغلقت منها الهاتف و أنا عازمة كل العزم على عدم دخول الدبلوم :roflmao:

يتبع . .

 

[البحّات]

واصلي يا دكتورة -جمعة سعيدة

 

[عائشة الفاتح]

واصلي يا دكتورة -جمعة سعيدة

كل أيامك خير و سعادة . .
معليش على التأخير بس مزرورة زرة زول ساكيهو كلب و لقى روحو في زقاق مقفول :mot:
نواصل

 

[عائشة الفاتح]

و بعد أسبوع رن الهاتف . .
- ألو : عائشة ؟
- و عليكم السلام . .
- إسمك مسجل معانا لدبلوم Family medicine و بعد يومين في معاينات عشان على أساسها حنقبل الناس . . و جيبي معاك الأوراق الفلانية و الشهادات العلانية . .

أغلقت الهاتف و اتصلت على رفيقتي المجنونة :
- ياخ أنا قلت ليك ما عايزة البتاع دا . .
- ياخ جربي إنتي خسرانة شنو ؟ الحياة تجارب . . و بعدين يمكن زاتو ما يشيلونا للدبلوم ما تتفاصحي ساي :ma-atw83:
- يا زولة خير أنا أصلاً في حياتي ما دخلت معاينة . . حأجي بس عشان أكسر الحاجز دا و نشوف حيحصل شنو :smail:

وفي مكان المعاينة . . مئات من الأطباء . . و زحمة و ضوضاء . .
كل هذه الأعداد المهولة تود الإلتحاق بالدبلوم لكسب شهادة معترف بها تؤهلهم إلى السفر . .
جاء المدير و رحب بالحضور و أخبرنا بأنه سيتم اختيار مائة طبيب و دعى لنا بالتوفيق و انصرف . .
- سمعتي ؟ قال حيختاروا مية بس و العدد دا قريب الخمسمية . . يعني أسي حيختارونا الاتنين يا ربي ولا حيختاروا وحدة و يخلوا التانية ولا ما حيختاروا ولا وحدة فينا :biggrin: . . خليني يا بتي أمشي أحصل الفطور مع أمي . . أنا قلت ليك من البداية الكلام دا ما واقع لي . .
- عشوش ياخ ما تنرفزيني . . خلينا نشوف البيحصل شنو . .
و دخلنا المعاينة . . و صراحة كانت ظريفة لزول داخل أول مرة معاينات . . بس برضو ما قدرت أقيم الوضع النتائج . .
طلعت و قابلت سارة ( اللي هي صحبتي ) :smail: و هي برضو ما عارفة الحيحصل شنو . . وقالوا لينا انتظروا النتيجة الأسبوع الجاي حنتصل على الناجحين . .
مر أسبوع و أسبوعين . . و رضينا أنا و سارة بالأمرالواقع . . اننا ما قبلونا . . يلا:smail: كانت تجربة ظريفة . .

و بعد أيام رن هاتفي . .
مبروك لقد اجتزتي المعاينة . . نراكِ في الغد . .
فرحت جداً لأنني أخيرا قد كسرت حاجز المعاينات . . أخذت الهاتف لأبشر رفيقتي . . ثم استدركت . . ماذا لو لم يتم قبولها . . وضعت الهاتف و قررت ان انتظر . . و ان لم يقبلوها معي فسأنسى أمر هذا الإتصال و لن أخبرها عنه أبدا . . على كل حال فقد كانت تجربة :smail:
و بعد ساعات رن هاتفي مرة أخرى . . و كانت سارة :
- عشوش جاك تلفون الليلة ؟
-تلفون :hah: من منو ؟
- من ناس الكورس
-سارة أدخلي في الموضوع نجحتي ؟
ترددت فقاطعت ترددها :
و أنا كمان :smail:
- و ما كلمتيني ليه ؟
- كنت منتظرة تلفونك . .
- و أنا كمان :smail:

الحمدلله . .

يتبع . .

 

[عبدالله التيت]

يتبع . .

متابعين ومنتظرين

 

[يحيى الشيخ إدريس الحبر]

وانا ايضا متابع ومتتظر

 

[البحّات]

واصلي الله يبارك فيك يا وقورة