مذكرات سجينة ..

[عائشة الفاتح]

و دخلنا في معمعة الدبلوم . . صراحة حبيتو لأنو في مجالي البحبو . . طب الأسرة :smail:
أصلاً إنت بدون ما تشعر و في العيلفون الجميلة بتلقى نفسك طبيب أسرة . . فكان بالنسبة لي خطوة كويسة عشان أطور نفسي و أنفع منطقتي . .
فترة الدبلوم كانت ممتعة و عصيبة في نفس الوقت . .
عصيبة لأنو مفروض أوفق بين شغل المركز في العيلفون و المحاضرات في الخرطوم . . و الحاجتين ديل كانوا يومياً . .
و نجي هنا نتكلم عن الرفقة الصالحة :smail: الحاجة البتمنى وين ما أمشي ألقاها . . و الحاجة البتخليني أتحمل مهما كانت الظروف و المصاعب :hearts1:
و في المركز تعاون معي الرفاق :smail:
و خلو لي جدولي مرن شدييييد . . ممكن أشتغل الفترة الصباحية أو المسائية حسب محاضراتي . . و أكتر زولة وقفت معاي نبيلة . . الدكتورة المعاي في المركز :smail: و مع إننا في فترة كنا مضغوطين شديد في الشغل بس كانت بتشيل الشيلة كلها عشان تساعدني . . الحمدلله عليها . .
و في الدبلوم وزعونا لقروبات على حسب الحروف الأبجدية و أنا و سارة طلعنا في نفس القروب :smail: و دا الهون علي الفترة دي . . إنو صحبتي معاي :hearts1:
و مرت السنة من بداية المعاينة لنهاية الكورس . . و إمتحننا . . و إنتهينا . .

يتبع . .

 

[ودمانديد]

امشي واجيكم بعد كم شهر كان الله هون

البت دي بقت بخيلة جداً

 

[um rayan]

كان الله في العون وبعد عنك اكتئاب الروتين اليومي
حاولي في اخر الاسبوع تواصلي لان اجازة الربيع غدا والزوار قادمون

 

[عائشة الفاتح]

امشي واجيكم بعد كم شهر كان الله هون

البت دي بقت بخيلة جداً

ههههه المرة دي حأخذلك و حأنزل جزء تاني أسي

 

[عائشة الفاتح]

كان الله في العون وبعد عنك اكتئاب الروتين اليومي
حاولي في اخر الاسبوع تواصلي لان اجازة الربيع غدا والزوار قادمون

آمييييييييييين . .
شكراً يا أهم مُسَكِن لي في الغربة . .

 

[عائشة الفاتح]

و جات اللجان للمعاينات . .
و كل الناس طبعا داخلة الدبلوم عشان تسافر . . و أنا زغت :smail:
صراحة فكرة السفر دي ما كانت في بالي نهائي . . أطلع من العيلفون ؟ مستحيل . .
أعيش كيف بدون ناس بيتنا و أهلي و الصناع . . أمشي قارة تانية ؟ يا إلهي . .
المهم كمية من التحانيس من شلة الدبلوم الروعة الكنت معاها فقلت ليهم خلاص حأجي و بجرب . .
مشينا أول يوم أكتر من 2000 طبيب . . ديل كلهم عايزين يسافروا ؟ البلد دي طاردة بالطريقة دي ؟ يا الله . .
و كانت زحمة خيالية و سوء في التنسيق غريب . .
الحصل شنو ؟ إنو أول ما ذاعوني عشان المعاينة و وصلت الباب الأطباء عملوا اقتحام للجنة المعاينة . . كل واحد عايز يدخل قبل التاني . . فرجعت ورا عشان أحفظ حياتي :smail: ?نو عادي انت ممكن تتعفص مع الزحمة . .
و كلها دقايق و المعاينة اتلغت عشان سوء التنسيق . .
قلت لصحباتي شفتو كدة عملت العلي و ما تجيبوا لي سيرة تاني . .
المعاينات كانت مدتها 5 أيام . . اتلغى اليوم الأول . . قروبي كلو جا اليوم التاني و أنا ما جيت . . و كلهم شالوهم في المعاينات :smail: و بقوا شغالين فيني إقناع بمختلف الأشكال . .
المرة دي قررت أمشي بس عشان ما تجي لحظة و أندم . . حأستخير و ربنا حياخد بيدي . .
مشيت رابع يوم . .
لقيت اللست حقت الايام التلات الاولى لسة ما خلصوا نصها . . و سجلوني في لستة احتياط . . يعني احتمال أدخل بالسالب :smail: قعدت و قلت بس عشان أكون عملت العلي ?خر لحظة . . و أنا اصلا رافضة السفر . . بس مرات بفكر انو معقول الحوالي كلهم غلط و انا بس الصح ؟ ( مع انو بتحصل مرات انك تكون صح و الحواليك هم الغلط :smail: )
الساعة 3 ظهر جات و لسة ما وصلو تلت اللست الاساسية . .
و قررت أمشي . . ما خلاص انا عملت العلي . .
و فجأة يناديني واحد من المنسقين . . دكتورة انتي ما دخلتي أول يوم ؟ أنا وصلتك الباب . .
? ما دخلت :smail:
طيب تعالي . .
و فجأة تلقى روحك جوة المعاينة . . الليييييلة . .
و عدت بسلام . .
و الحاجة الغريبة انو التأشيرات جاهزة معاهم . . فخلال دقايق تتصدم بإنك حتسافر . . و مفروض تبدا الاجراءات في أسرع وقت . .
رجعت البيت و كلهم كانوا مبسوطين لي إلا أمي . . قالت لي ما تسافري . . خليك معانا هنا . .
قلبي مقطوع و اتقطع زيادة . .
و واصلت إستخارات . .
و سألت إتنين من الناس القريبين لي برة السودان لو رجع بيكم الزمن حتغتربوا تاني ؟
و كانت اجاباتهم . . أيوة حنغترب . . الحققناه في الغربة ما كنا حنحققوا في السودان . .
كان نفسي يقولوا لي ? ما حنسافر تاني . .
أنا موقنة تماما إنو حأحقق حاجات محتاجة للمادة اللي صعب ألقاها في السودان . . بس حأفقد حاجات بالنسبة لي أهم . . حأفقد حاجات كتبتها و مسحتها أكتر من مرة ?نها ما بتتصاغ . .
يتبع . .:smail:

 

[عائشة الفاتح]

و سألت إتنين من الناس القريبين لي برة السودان لو رجع بيكم الزمن حتغتربوا تاني ؟
و كانت اجاباتهم . . أيوة حنغترب . . الحققناه في الغربة ما كنا حنحققوا في السودان . .
:smail:

يمكن الحاجة دي هي الخلتني أبدأ أفكر في السفر بصورة جادة . . إنو كنت شايفة الشخصيات دي بتحب البلد شديد و بتشبهني في حاجات كتيرة . . و لو وقتها كانت إجاباتهم مختلفة متأكدة أنو ردة فعلي كانت حتكون مختلفة .. و خلاص إقتنعت . . و أمر السفر بقى واقع . .
من أول الخطوات اللي مفروض أعملها إني أستقيل من مركز العيلفون . . يااااااه . . أكتر مكان إستمتعت فيهو من ناحية الشغل و المكان اللي بكون فيهو وسط أهلي .. مع إني في البداية و أول ما إتعينت كنت خايفة جداً إني أغلط تجاه أهلي أو ما أوفيهم حقهم كما يجب . . بس الحمد لله عدوا السنتين بسلام . .
ماطلت شديد في إني أقدم طلب الإستقالة . . ما كنت عايزة أمشي بجد :weeping:
و إتوكلت و قدمت إستقالتي و كل الحوالي ما مصدقين . . بس يلا . . الحياة دايماً ما بتمشي زي ما عايزين . . و إن شاء الله كل حاجة لخير . .
و إستقلت شكلياً بس . . و واصلت شغل عادي في المركز لحدي قبل سفري بشوية ..
و مرت الأيام . . و مواعيد السفر قربت و أنا بحاول أتناسى . .
تفاصيل كتيرة حصلت و رفاقك القُراب بحاولوا يكونوا قريبين منك لأطول فترة ممكنة . . ( شكراً عفراء :HGHG: )
و قبل السفر بي يومين كمية من المُودعين لما شافتهم صحبتي قالت لي أنا لو محلك ما بسافر . .
و أكتر حاجة بتوجع قلبك إنو في ناس يودعوك و هم بكامل صحتهم و عافيتهم و ترجع تلقاهم مافي . . ما قادرة أتخيل إني حأرجع و ألقى أحن ناس بالنسبة لي مافي . . ربنا يرحمهم :z3lan:
و جا يوم السفر . . تلف على البيت كلو و تلقي آخر نظرة ما معروف حترجع تاني ولا لأ . . ما معروف في مُقبل الأيام حيحصل شنو .. تودع غرفتك و سريرك . . تودع حوش بيتكم و تودع معاه لمة العيلة . . تودع فريقكم و ناسو الطيبين . . رحماك ربي . .
و في المطار معاي أسرتي الجميلة . . أمي و حبوبتي و جدي و أخوي و أخواتي . . يمكن أكتر حاجة أثرت فيني و لحدي أسي لما بتذكرها ببكي . . بكاء أخوي . . أخوي مما دخلنا المطار و هو ما قادر يسكت . . أخوي رغم سنو الصغير بس هو راجلنا و سندنا و بنتقوى بيه . . و دموعه غالية علي شديد . . يمكن بي سببه رجعت من الصالة أكتر من تلات مرات . . كان يوم عصيب . . لأول مرة حأفارق أمي و ناس بيتنا لفترة طويلة . . ربي كن معي . .
و خلاص ماشين على الطيارة تجينا رسائل من الخطوط .. الرحلة إتأجلت ساعة و نص لقدام . . إبتسمت لأني حأستنشق هواء بلدي ساعة و نص زيادة :smail:
أنا ما عارفة بس لو الدموع بتكمل كانت كملت في آخر تلاتة يوم لي في السودان . .
و بدأت أولى صفحات الغربة . .
يتبع . .

 

[عصام أحمد عبد الحليم]

انا طبعا لمن قريت العنوان افتكرت واحدة مسجونة بتكتب في مذكراتها .. حقيقة أنتي لست طبيبة فقط .. أنتي أديبة متمكنة وربنا يوفقك يادكتورة عائشة أينما حللتي.
الغربة حاااارة والله .. أنا اول عيد قمت لقيت الناس كلها نايمة وكنت شاحن تلفوني بمائة ريال والشبكة ساقطة كانت .. مشيت اقرب مركز اتصال .. لقيت الناس كلهم في الصلاة .. لمن تميت سبعة سنوات بقيت ارسل رسائل فقط .. القلب قسي خلاص

 

[ابوبكر حامد الامين صبير]

سلام عليكم جميعا ........... سردك جميل جدا وحزين رجعني لبداية غربتي واستقبال اخي المرحوم عمر حامد و والدي حامد صبير في مطار الملك خالد . حينها لقد حدثني اخي المرحوم عمر عن معانات الغربه وثمنها الباهظ وكنت مغترب جديد لن اهتم كثيرا . لكن اشهد الله لو رجع بي الزمان والله ثم والله لن افكر ابدا في الغربه ربنا يصلح حالنا جميعا ونرجع نعيش في بلدنا وسط اهلنا

 

[عائشة الفاتح]

انا طبعا لمن قريت العنوان افتكرت واحدة مسجونة بتكتب في مذكراتها .. حقيقة أنتي لست طبيبة فقط .. أنتي أديبة متمكنة وربنا يوفقك يادكتورة عائشة أينما حللتي.
الغربة حاااارة والله .. أنا اول عيد قمت لقيت الناس كلها نايمة وكنت شاحن تلفوني بمائة ريال والشبكة ساقطة كانت .. مشيت اقرب مركز اتصال .. لقيت الناس كلهم في الصلاة .. لمن تميت سبعة سنوات بقيت ارسل رسائل فقط .. القلب قسي خلاص

أهلين عصام . . تسلم على القراءة و التعليق الأكبر مني :smail:
أيوة و الله حارة . . و كمان إنتوا الشباب بتفرقوا شوية و عندكم مساحة حرية . . بس أنا محبوسة :blb7:

 

[عائشة الفاتح]

سلام عليكم جميعا ........... سردك جميل جدا وحزين رجعني لبداية غربتي واستقبال اخي المرحوم عمر حامد و والدي حامد صبير في مطار الملك خالد . حينها لقد حدثني اخي المرحوم عمر عن معانات الغربه وثمنها الباهظ وكنت مغترب جديد لن اهتم كثيرا . لكن اشهد الله لو رجع بي الزمان والله ثم والله لن افكر ابدا في الغربه ربنا يصلح حالنا جميعا ونرجع نعيش في بلدنا وسط اهلنا

و عليك السلام . . نورت المنتدى :smail:
ربنا يرحم أخوك اللي خلى سيرتو العطرة . . و بالمناسبة كان من أكتر المتابعين مع أبوي عن الحاصل معاي مما وصلت لحدي ما خلصت إجراءاتي . . و مع إني ما إتشرفت بمقابلته بس كلام الناس عنو و ثناءهم عليه كان كافي لأني أعرف قدر شنو كان إنسان رائع . .
ربنا يجمعكم في جنانه و يوفقك في غربتك . .

 

[عائشة الفاتح]

و في الطائرة عن يميني شاب و عن يساري جدة :smail: و ما إن رأياني منهمكة في البكاء حتى بدأا في محاولات إسكاتي . . يروي لي الشاب عن غربته و يخبرني بأني سرعان ما سأصل إلى مرحلة الإعتياد . . و تروي لي الجدة عن ابنتها المتجهة إليها هناك و أن العالم اصبح قرية صغيرة و أن الإنترنت متاح للجميع . .
أعترف بأن حديثهما هدأني قليلا . .
الغربة . . رغم أنني قد ولدت فيها و قضيت قرابة ال 14 عاما من عمري فيها . . إلا أن الوضع مختلف الآن . . فأنا الآن دون عائلتي . . أو ربما ?نني كنت صغيرة حينها فلم أدرك معنى الغربة . .
وصلنا إلى مطار جدة . .
زحام غريب . . مشكلة في السيستم و من ثم تداخل في الرحلات و عليه ( فاتتني ) رحلتي في أبها . . كِمْلَت :smail:
و ?نني لست الوحيدة التي تأخرت عن رحلتها فقد حجزت لنا ادارة المطار على الرحلة التالية . .
و بعد ساعات كنت في أبها . . إستقبلني والدي . . خفف حزني و ألم فراقي لموطني . .
والدي الذي أخذته الغربة منا أيضا . . والدي الذي دفع عمره ضريبة أن نكون بخير و أن نكبر دون أن نحتاج ?حد . .
و في اليوم التالي رافقني ?كمال إجرءاتي . . في الواقع لقد ساعدني جدا . . جميل أن تجد من يسندك و يوجهك في أولى خطوات توهانك ( كما تظن ) . .
يتبع . .

 

[يحيى الشيخ إدريس الحبر]

رغم الزعل برضو مستمتع بالسرد.

 

[عائشة الفاتح]

و في اليوم التالي رافقني والدي إلى مقر عملي . . قابلت الممرضات اللواتي سأعمل معهن . . جنسيات مختلفة . . عادات مختلفة و لغة مختلفة . . دعوت الله أن يساعدني على التأقلم . .
و بعد أن إطمأن علي والدي ودعني عائدا إلى حيث يعمل . . و بدأت نوبة أخرى من البكاء . . أنا لم أشف بعد من أثار وداعي لوطني و عائلتي . . و الآن سأفترق عن والدي . .
اجتمعن حولي الممرضات في محاولة ?سكاتي . . و في هذه الأثناء حضر طبيب سوداني يعمل في نفس المركز و إستأذنني بأن يستضيفني هو و أسرته حتى أتأقلم قليلا . . و حقيقة هذا ما خفف عني كثير مما أشعر به . .
مكثت عندهم يومين و عدت إلى السكن في بداية الأسبوع . . ملازمة غرفتي حتى تكتمل إجراءاتي الداخلية و أبدأ بالعمل . .
و فجأة يطرق بابي . . مرحبا أنا د. صفاء . . أعمل هنا . . و أتيت ?لقي عليكي التحية و اردفت قائلة : طبعا أنا ما بطلع سلالم بس قلت لازم أوصلك و أسلم عليكي . .
د . صفاء طبيبة مصرية الجنسية في آواخر الأربعين . . عملت في هذه المنطقة سنوات طوال حتى أصبحت معروفة لدى الجميع . .
رحبت بي و سألتني عن عائلتي في السودان و إخوتي . . فبدأت نوبة بكاء جديدة . . ( نسيت أن أخبركم أنني في الأيام الماضية كلما سئلت عن امي و عائلتي أبدأ في البكاء :wa2o: بدأت في تهدئتي و أخبرتني أنها منذ اليوم بمثابة أمي . . و فعلا بذلت ما بوسعها للعناية بي . . أحضرت لي كل ما ينقصني من أغراض . . ساعدتني في إكمال إجراءاتي بسرعة . . علمتني قواعد العمل . . إحتوتني بما تعنيه الكلمة من معنى . .
و رغم تحذيرات رفيقاتي اللاتي يعملن هنا لي من المصريين إلا أنا لم أجد منها إلا كل الخير . . و كانت في تلك الفترة أقرب لي ممن حولي من السودانيين . .
مرت الأيام سريعا . . و رغم خوفي في السابق من سرعة الأيام . . إلا أنني في الغربة سعيدة بهذه السرعة . . و أحسب الأيام ?عود لموطني و للعيلفون . .

لا أدري لو كان اغترابي في عصر خالي من الانترنت و التواصل ماذا سيلم بي . .
الحمدلله على نعمه . . فترتي الأولى كان عبارة عن تواصل مكثف مع من أحب . . مع من كانوا مسكنات لفترتي الأولى من الغربة :smail: انتهي عملي في الرابعة . . و منذ الخامسة و حتى الثانية عشرة محادثات تلفونية متواصلة ( زي جواباتك يا ود الحبر ) . .
اتحدث مع ابي قرابة ساعة ثم مع عائلتي ثم مع أصدقائي المقربين البرايين :lllolll سيتعرفون على أنفسهم دون ذكرهم :walkman: ) . .
استمر هذا الحال ?كثر من شهرين حتى قل السمع في إحدى أذناي ( ههه جادة و الله ) . .
سافرت د.صفاء بعد شهر و نصف إلى مصر لقضاء إجازتها السنوية . .
كان سفرها قبل شهر رمضان الكريم بيوم واحد . .
و جاء رمضان . .
اليوم أول أيام الشهر الفضيل . . أول رمضان بعيدة عن أمي و عن عائلتي . . بعيدة عن الصناع و عن الحقيبة الرمضانية . . بعيدة عن صلاة التراويح و الروحانيات العالية . . بعيدة عن لمة الأهل و الأصدقاء ساعة الإفطار . . و مع الأذان بكيت . . بكيت بمرارة . . بكيت لإحساس خواء الروح الذي أصبح يلازمني ( لسة الدموع كتيرة ) . . و دعوت الله أن يلهمني الصبر . .
مرت أيام الشهر . . تماسكت قليلا . . و في آخر يوم في رمضان سافرت للقاء أبي . . ?داء العمرة و قضاء العيد معا . .
يُتبع . .

 

[محمد عبد المطلب محمد]

يا بتي قطعت قلبنا
وكأننا اغتربنا اليوم
اجترينا معك ذكريات البدايات
وما أصعب البدايات علي سهولتها
دموعنا التي جفت زمنا
سحابك يمطرها
وقلوبنا المتحجرة
طرقك الخفيف اللطيف
يلينها قليلا
واصلي
لعلنا ........
تسلمي بنيتي

 

[يحيى الشيخ إدريس الحبر]

ود طلب بعد ده كله عايز ترجع لي نقطة الصفر .

 

[محمد عبد المطلب محمد]

من هو السجين ؟
المذكرات ام صاحبها

.....من ينطلق في ردهات الحياة ومنعطفاتها بهذا الجمال لا احسبه سجيناً
....ومذكرات تغازل عيون القراء وتنقر علي اوتار العصب والاحساس فهي طيور تغرد وترحل متي شاءت ويبقي لشدوها صدي
تحياتي د.عائشة الفاتح

 

[عائشة الفاتح]

دائماً تواجهني المشاكل مع الطائرات . . أذكر أنني عندما كنت ذاهبة إلى الحج تاخرت رحلتي لأيام و عند العودة تأخرت الرحلة لقرابة العشر ساعات . . و الآن في طريقي إلى أبي تعطلت الطائرة . . أيوة تعطلت عديييل كدة فتأجلت الرحلة . .
و بعد 12 ساعة و عندما فقدت الأمل في رحلتي على هذه الطائرة و بعد معاناة حجزت على رحلة أخرى . .
وصلت إلى جدة في الواحدة صباح العيد . . بعد مغامرات . . قابلت أبي و اتجهنا إلى المدينة . .
سعادتي بلقاء أبي و بعيدي في المدينة أنستني تعبي . . عشقي للمدينة ليس له حدود . . أذكر أنني في طفولتي عندما رأيت مآذن المسجد النبوي لأول مرة شعرت بإحساس لا أستطيع ترجمته . . و منذ ذلك الحين و أنا أعشق المدينة . .
و بسبب الزحام أدينا صلاة العيد في مدخل المدينة . . و بعدها إتجهنا إلى مسجد قباء و منه إلى المسجد النبوي . . العيد في المدينة خفف عني إحساس البعد عن أهلي الذي كان يلازمني طيلة شهر رمضان . .
و لأن الكثيرين يقصدون العيد في المدينة فقد قابلت الكثير من الأصدقاء و الأهل . .
قابلت صديقتي سارة رفيقة الدرب و المغامرات :smail: و سلمى صديقة المرحلة الثانوية و إيمان الحلبي رفيقة العمل الطوعي و خطيبي مُحمد رفيق المستقبل إن شاء الله و خالتي أمل و أبنائها و إبن عمي مُحمد . . قابلت الكثير من المعارف . . بإختصار كان من أجمل الأعياد التي مرت علي . . و في اليوم التالي توجهنا أنا و أبي لقضاء العمرة . . يا الله نعم الرفقة :smail:
و بعدها عُدت إلى سجني :hissyfit:
مرت الأيام بعد العيد مع روتين العمل اليومي . . و إنتهت إجازة د.صفاء و عادت من بلدها . . يومان و سأراها بعد غياب . .
يتبع . .

 

[عصام أحمد عبد الحليم]

يا دكتورة ذكرتينا أجواء مدينة الحبيب المصطفي صلي الله عليه وسلم .. فقد عشت فيها قرابة العام والنصف .. وأهلها أطيب ناس في السعودية .. هنيئاً لمن عاش فيها .. وفعلا ترتاح النفس وتغسل همومها في المدينة المنورة .. نسأل الله أن يعيدنا ليها تاني

 

[عائشة الفاتح]

اليوم الأحد و بعد غد ستبدأ د.صفاء العمل . .
و أثناء إنهماكي في عملي إحتجت إلى الممرضة . . ذهبت إليها لأوكل لها بعض المهام . . شعرت بأنها تتحدث معي و وجهها في الإتجاه الآخر . . و لشدة الزحام معي لم أسألها ما الخطب . . و لكني قررت أن أعود لسؤالها عندما أهدأ قليلاً . .
الثانية ظهراً . . الزحام نفس الزحام . . تأتيني العاملة و تسألني بجزع . . دكتورة وين د. صفاء ؟
أجيبها بأنها في المنزل و ستأتي ربما غداً . . و ستنضم إلينا بعد غد . .
سألتني : متأكدة ؟
أجبتها ماذا هناك ؟
أجابت : قالوا ماتت . .
ضحكت من أعماقي و رددت : مجنونة أنتي ؟ هي بخير و ستنضم إلينا قريباً . .
و واصلت عملي . .
بعد قرابة النصف ساعة شعرت بالقلق . . ذهبت إلى تلك العاملة و سألتها عما سمعت . . أجابت بأن إمرأة أخبرتها بذلك . .
إتصلت على هاتفها . . مغلق . . و هنا بدأ القلق ينتابني بحق . .
ركضت إلى القسم الآخر . . د.محمد و الممرضات يقفون سوياً . .
إتجهت إليه . . د.محمد وين د.صفاء ؟
تجنب النظر إلي . . واصلت إلحاحي . .
توفيت . صفاء . .
يتبع . .