مصطلحات عامية سودانية

[هاشم عبد الكريم]

دعوة لاخونا العزيز د.عمر احمد فضل الله يجى ناطى يشوف العك البنعك فيهو دا أياهو ولا كو

 

[ودالفحل]

حبابكُنْ عشرة، برا كشرة وجيداً جيتو، كلامكن ياهو تب، بس كدى اكرسوا شوية خلوني النمصر البليتو ده بى غادي وعقباتين بجيكن. والبعرفو بميزه والمابعرفو بسعل ليكن، لكين الكرسابل، الليلكن ده هسع دي ألليل إنس والا جنس؟ معاكن ناس التقول مخالتين، الكلام المكعوج ده بتجيبوه من وين؟ آناس؟

 

[ابو عبد الرحمن]

معاكن ناس التقول مخالتين

التقول ؟؟؟؟؟؟ هههههههههه

 

[الوان]

بنسأل برضو من (القدوم)(والقرشلى)(والجَملَكه)(والفورمايكا)(والفارة)
وين ياجماعه البوست دا وقف كتير

 

[Dr.Mutasim I. Abdalnoor]

بنسأل برضو من (القدوم)(والقرشلى)(والجَملَكه)(والفورمايكا)(والفارة)
وين ياجماعه البوست دا وقف كتير

دي عدة النجارين يا ولدنا
القدوم: يشبه الفأس ولكن سن الفأس تكون موازية للحامل الخشبي، اما القدوم فالسن التي تنجر الخشب تكون بشكل رأسي مع الحامل الخشبي.
القرشلي:؟؟؟؟؟
الجملكة : دهان يدهن به الخشب كمرحلة اولية قبل مرحلة البوهية.
الفورمايكة:غطاء أو جلاد رقيق من الخشب اللامع يغلف به الاثاث المصنوع من الخشب دون الحوجة لدهانه بالبوهية.
الفأرة: عدة انواع : 1- الة تستخدم لننجر ونشر وحرت الاخشاب 2- الفأرة (زوجة الفأر) 3- الفأرة(mouse) بتاعت الكمبيوتر 4- الفأرة الفأرة

 

[الوان]

دي عدة النجارين يا ولدنا

القرشلي:؟؟؟؟؟


- [/Q
القرشلى اهم حاجه !
UOTE

 

[يوسف عمر يوسف]

العبوب هو العجل المصنوع من القش لخداع البقرة التي مات عجلها لكي تدر اللبن فماهو
الخبوب والربوب الذان ياتي ذكرهما معه

 

[حسن محمد]

دي عدة النجارين يا ولدنا

القرشلي:؟؟؟؟؟


- [/Q
القرشلى اهم حاجه !
UOTE

القرشلي
بالعادة يُضرب المسمار علي الخشب بصورة عمودية مُشكلا زاوية قائمة مع الخشب
الا انه ونادرا وفي حالات بعض المعالجات عند النجاريين يوضع المسمار بوضع مائل (قرشلي) مُشكلا زاوية حادة من جانب ومنفرجة من الجانب الاخر مع الخشب

ولكن ماهو اصل الكلمة

 

[حسن محمد]

دي عدة النجارين يا ولدنا
القدوم: يشبه الفأس ولكن سن الفأس تكون موازية للحامل الخشبي، اما القدوم فالسن التي تنجر الخشب تكون بشكل رأسي مع الحامل الخشبي.
القرشلي:؟؟؟؟؟
الجملكة : دهان يدهن به الخشب كمرحلة اولية قبل مرحلة البوهية.
الفورمايكة:غطاء أو جلاد رقيق من الخشب اللامع يغلف به الاثاث المصنوع من الخشب دون الحوجة لدهانه بالبوهية.
الفأرة: عدة انواع : 1- الة تستخدم لننجر ونشر وحرت الاخشاب 2- الفأرة (زوجة الفأر) 3- الفأرة(mouse) بتاعت الكمبيوتر 4- الفأرة الفأرة

يادكتور يعني بضربو الجملكة اولا وبعدين فوق ليها البوهية !!!
هذا غير صحيح الجملكة هي دهان يدهن به الخشب بعد اكتمال صناعة (الفضية) او الدولاب فيضفي لون ولمعان للخشب
تخريمة
انت دكان (طلحة) ده ما شفتو ما خطوتين من بيتكم
المابعرفوا طلحة ودكانو الدكتور ح يوريهم
ودي وتقديري

 

[حسن محمد]

ماهي (الكرامة الاولي) و(الكرامة الثانية) و(قِصَيٍر)

 

[حسن محمد]

العبوب هو العجل المصنوع من القش لخداع البقرة التي مات عجلها لكي تدر اللبن فماهو
الخبوب والربوب الذان ياتي ذكرهما معه

يا هاشم شوف لي جني ود يوسف الخبوب والربوب وكان غلبك شوف صديق حسن الامين بعد ما مرق من الخبوب والربوب
ودي واحترامي

 

[حسن محمد]

والسؤال للنساء فقط
(اجي) التي ترافق يا بنات امي
(كُر علي)التي تقابلها (وا شريري ) عند الشايقية
ما هو اصلها مواقع استعمالها وهل ما زالت تُستعمل

 

[محمد عبد المطلب محمد]

وين الكوجين يا المبروكات ؟ - رمضان قرب يإذن الله ،ألكعن لعل هنالك مغتربات قد فزعن بالهوج وجمعن الحطب .
كما أن الشباب حارين الجرتق بين العيدين .

ياخوي رمضان جاء وفات وما شفنا رد علي الكوجين
باقي الابري بقي يجي مغلف
وهاك يازمن

 

[محمد عبد المطلب محمد]

احوال الطقس
-الزِيفة
-الشعفوفة
-القِرة
-القهبونة
-القبلي
- العبادي
-السموم
-الدعاش
-الدرت

 

[تامرازهرى الصديق خير]

تقبلوا مشاركتى البسيطة دي .. اجزاء الساقية وبعض المفردات

القادوس : الجرة الفخارية التي تحمل الماء
الألس : حبل من الحلفي يربط به القادوس
القلوق : وقاية للقواديس تصنع من الحلفي
الاشيقرات : أعواد تربط فيها القواديس
العطفة : حلقة أو ترس يحمل القادوس
أم حليقة : تلف العطفة
الحلقة : الجزء الأفقي الذي يلف أم حليقة
السندقيقة : التروس التوريق : عمود يربط بين العطفة و أم حليقة ينقل الحركة إلى العطفة
الاروتي : الذي ينهم الثيران على الحركة التكم : مقعد الاروتي
الانقيب : الذي يجهز القش للبقر القراع : المشرف على الماء
القشق : نظام فرملة يد للساقية كي لا ترجع
التقل : إناء يصنع من السعف يضروا به القمح
النكتوتة : لمبة إنارة عبارة عن شريط داخل علبة بها جاز أبيض أو جازولين
السحارة : صندوق خشبي لحفظ الأشياء المهمة
الباجور : إناء من الفخار واسع الفم لوضع العجين
القطاع : إناء من القرع لغرف العجين أو الماء
الواوير : عود يربط بحبلين في طرفيه و يعلق إلى السقف أفقيا توضع عليه الملابس
الوانج : الغرفة غير المسقوفة
المرق : العود الأساسي في سقف الغرفة
الكنتوش : إناء من الفخار يحلب فيه اللبن
الوقاية : مقعد الجبنة الشرقرق: إناء لغلي القهوة
البشنتيق : الهدم القديم البالي الكرقة :الراكوبة
الدانقا : البرندة الطويلة الكتريقة : البيت المهجور الارتيق : ضل الضحى

منقووول .

 

[تامرازهرى الصديق خير]

مـــــــــــــــــــــــــــــــــاهي التــــــــــــــــــاتيقـــــــــــة ؟ ؟ ؟

 

[صديق حسن الأمين]

وين الكوجين يا المبروكات ؟ - رمضان قرب يإذن الله ،ألكعن لعل هنالك مغتربات قد فزعن بالهوج وجمعن الحطب .
كما أن الشباب حارين الجرتق بين العيدين .

السلام عليكم بعد غيبة طويله وبارك الله فيكم ،قفلتوا الدانقة الكبيرة دى مالكم ؟؟؟ يا احباب نحنا كنا ماشين منظمين فى فرش الدانقة بالبروش المرتبة والنظيفة ، مالكم لخبطم النظام ؟؟ البدخل دانقة كلونيا دى ، يمشى من الاول ، يلقى حاجة ما إتفسرت يرجعها الصاج ،
ويانى رجعت ليكم اخر حاجة لليل ما إتفسرت ،وياود طلب وود يوسف ويا تامر حبابكم فى الدانقة ما قصرتوا فى فتح الباب ، ولكن الطلبتوه ده فى بعضه تم شرحه ،ارجعوا من خشم الباب وإتمهلوا . لامن نقعدلكم.

 

[الوان]

وكلمة ( النعال ) وكنت اعتقد انها كلمة عامية سودانية بحتة ولكن وجدتها متداولة وبصورة كبيرة فى الخليج

 

[هاشم عبد الكريم]

الكركعوب :تقال للشئ القديم البالى ،ولكنها فى الاساس هى ماتبقى من لوزة القطن بعد قطف الثمرة منها ويكون شكلها متدلى وبالى وهذا هو الكركعب سيد الإسم - قُطنى متين يبتسم ،

وبعد غيبة طويلة نبحث عن نصيبنا فى ورثة كلونيا،و فى جولة من البداية،علنا نعيد الزبائن بعد إرتفاع الأسعار،فالرجاء من كل الورثة تسجيل الحضور،فلنبدأ بالرد على ثالث الورثة :صديق حسن الذى غادر الديار وركب الدفار.:عقبال ما يرجع للزراعة ،
لوزة القطن والكركعوب :

 

[محمد عبد المطلب محمد]

ياهاشم
قلنا نخش بي هنا يمكن نلحق لينا شي من الورثة دي
تحياتي